暗影魂 2007-7-13 16:26
在香港，用硬幣隨時犯法
一日落樓下快餐店買飯盒，成身淨係得張五百蚊紙，唯有用張"大牛"找數啦。點知個收銀員話唔夠散紙找，拒收。於是就改去隔離茶餐廳買外賣。但係個事頭婆又話唔收大紙。面對「飢寒交迫」環境，真係氣上心頭。一間咁大規模快餐店，竟然唔事先聲明就拒收「五百」同「一千蚊」大紙。
呀，忽然心生一計，特登走去轉角間銀行換「銀仔」，總共換左三袋一亳子，每袋一百個。於是即刻返轉頭去買個三十蚊飯盒，一手放底三袋一亳子。見到收銀員個谷氣樣，真係心都涼哂！
喂！咪以為報到仇呀！其實你已經抵觸左《硬幣條例》。
一元、兩元及五元面額的硬幣每次使用都不可超過一百元。而五角、兩角及一角面額的輔幣，則每次只可使用兩元。若超過了法定限額，對方是有權拒收餘款的。
例如：乘搭車費三元的巴士，付六個五角硬幣，巴士司機是有權拒收的。又例如：購買一百五十元的物品，便一定要以紙幣繳付；即使用三十個五元硬幣，店員亦可拒收。