暗影魂 2007-12-6 22:57
**街市的笑話**
街市裏面人來人往、又係買餸時間、所以非常熱鬧、但有一檔賣魚旦的卻冷清清、魚旦檔個老板叫做「豆皮強」因為佢個樣生得好難睇~滿面豆皮默屎、眼細眉粗~就係佢個樣生成咁、所以好多師奶都唔敢幚佢買野、但係「豆皮強」個人無物所謂、得閒無事就搵D謎語比人猜、今日又有新謎語、所以圍咗幾個人係度聼、這時「儍仔文」買餸經過、也走過去熱鬧....這時「豆皮強」就講:「我爸爸有個兒子、佢唔係我哥哥、又唔係我細佬、你地知唔知佢係邊個呀?」各人聽後都搖搖頭、「豆皮強」說:「如果無人知道我就開估啦、*果個咪就係我「豆皮強」囉*...各人聽後都拍手.這時「儍仔文」聽後覺得個謎語好得意、所以决定晚飯時讓屋企人猜.(儍仔文」因為儍儍地、又鐘意引人注意、所以屋企人唔係好喜歡佢、平時都係叫佢買買餸、煮煮飯)......到了晚飯時間、「儍仔文」突然企起身、大聲對屋企人講:「大家唔好食住、我有一個謎語比你地猜、睇吓你地識唔識.」這時各人眼定定望住佢、「儍仔文」跟住講:「我爸爸有個兒子、佢唔係我哥哥、又唔係我細佬、你地知唔知佢係邊個.」雖然大家在聼、但大家也各自起筷食飯、這時「儍仔文」又講;「哈哈、我唸大家都無辦法猜到、咁我開估啦、、*果個咪就係街市「豆皮強」囉*......(各人一齊噴飯)