~■戀■~ 2007-12-21 10:44
當我們還是小學生會做同會講ge野
唔知大家有無做過同講過呢？
１．記得ｄ同學會問：「你有無老土眼鏡？」
當我答：「無呀．．．」
ｄ同學就話：「下．．．你無腦無肚無眼無頸ｇａ？」
２．記得果時成日講一首打油詩：
「包青天講故仔，
公孫先生扮女仔，
展昭哥哥追女仔，
王朝馬漢生個仔，
張龍趙虎幫你湊仔。」
我仲記得我同我幾個同學講左成個小息．．．
３．同ｄ同鬥大鬥多的時候，例如：「我多你１００倍呀！」「我多你１０００倍呀」「我多你１９７００倍呀」最後一定會講「我多你無限倍 呀！」就算定左規舉話唔準講無限都一定會講．．．死未？
４．成日講野都要加個「相反詞」呢個ｔｅｒｍ，例如：「你好樣衰．．．既相反詞既相反詞既相反詞既相反詞既相反詞．．．」
５．見到同學會話：「無見一日．．．肥左又瘦左，高左又矮左，靚左又丑左ｗｏｒ！」
６．成日郁ｄ就會講絕交，但係就唔會絕多過３日。
７．成日都會傳人地邊個鍾意邊個，女仔就會比人叫咩太咩太，如果個女仔真係鍾意果個男仔，就死口都唔認，但係會陰陰咀笑。
８．就得有一次個男仔摸左個女仔塊面一下，傳到我隻耳度，個版本竟然係：「個男仔咀左個女仔塊面一下呀！！」事實証明，小學時代真係可以好誇張．．．Ｏ晒
９．仲有．．．剛剛學識講粗口，仲要同同學鬥講，最勁係講到唔識就作，同學話：「邊有呢句ｇａ？」但係都要死撐話有．．．
１０．咩都話老師係岩，老師教咩都係岩，其實都唔知係咪真係岩．．．
唔知大家仲有無其他得意野呢？有就打出黎ｌａ！！
１１．又有一首詩：
ＯＮＥ磨ＴＷＯ磨
屎忽大過波蘿
中間有粒的
好似朱古力
食左會生”漬”
１２．仲有∼就係成日食媽咪面（電視有買果隻），舊版係橙色ｇｅ，食果時仲一定要落果包味精，食到尾果時真係咸到標眼水．．．但仲要食晒為止．．．
１３．上小五常識堂，教性教育ｇｅ時候總會好尷尬，有同學一望本書就會比其他同學話：「咦．．．你好咸濕呀！」跟住成班都會話佢咸濕．．．
１４．剛剛上小學果時，轉堂一定要伏在桌上，等老師黎，但係大下大下就絕對唔會咁做，但係會有人「睇水」，老師差唔多黎到就扮乖．．．
１５．考試考得唔好，返到屋企阿媽問成績ｇｅ時候，總會同阿媽講：「全班都係考成咁ｇａ，我ｄ成績已經好過好多同學ｇａ ｌａ！」但係其實只係好過幾個同學．．．
等我加埋其他人d經歷．．．整理下等大家睇得方便ｄ∼
１６．哈哈哈...
以前幼稚園個陣都唔知點解媽咪會將塊毛巾仔ZIP 係條頸到..
依家見到都覺得好笑~~
仲有係玩踩磚仔唔準過界...
超無聊
１７．我果板本::
ＯＮＥ磨ＴＷＯ磨
屎忽大過波蘿
波蘿上面有粒的
意為朱古力
食左好招積
痾屎一滴滴= = "
１８．ＯＮＥ磨ＴＷＯ磨
屎忽大過波蘿
中間有粒的
好似朱古力
＜屙屎冇哂力＞ 以前我地班Ｄ人成日咁講．．
１９．仲有架，將藍色多瑙河加歌詞：「肥婆學揸車，逼逼gip gip......」
係操場小息，一打鐘人就定形......
２０．你講起鐘聲響起要定型,我諗起都覺得好笑話!!
仲有以前會一到小息便會猜皇帝...仲要<踏>爆地嗰隻身!!!!
２１．唔好唔記得有一句 "反彈無回頭" 我記得細個鬥咀一定會有人講 XD ｂｙ澄雪 其實仲有「閘住」呢個ｔｅｒｍ ｗｏｒ∼
希望大家喜歡ｌａ∼小學ｇｅ回憶真係好寶貴∼！