﹏琪'' 2007-12-30 11:00
十二星座得獎態度
白羊座
睇佢一副戰鬥格就知白羊座人睇獎睇得好重要，講到第1佢就梗係緊張啦！重點係佢唔衰得嘛！所以無論事前佢畀傳媒捧成大熱定黑馬都好，響佢本心裡日記都唔輸得！候選只有贏不能輸！即場黑面都有份！
金牛座
呢位悠閒先生小姐不嬲都淡薄名利，佢唔多鍾意同人打打殺殺爭崩頭，贏就固然之開心啦，輸佢又唔會特別覺得有咩唔舒服；唯獨是如果d記者事後猛追問佢輸獎有咩感覺，問得太多次就反而可能會激嬲佢！
雙子座
呢個神經質星座一向都唔鍾意同人爭，贏佢又覺得有壓力，輸佢又覺得有壓力，基本上結果係點佢都係有壓力，所以雙子座唔多鍾意應付呢d事，總之就你有你傳媒炒作，當事人好似唔係咁關事咁！最好唔好煩佢！
巨蟹座
你咪以為呢位平日唔多出聲冇乜所謂的巨蟹座唔恨捧獎喎！雖然話佢對於輸贏真係睇得唔重，但係講到輸同贏背後帶出的利與弊佢就睇得好緊要，一旦成為男主角以後開戲可以叫高一百萬喎！捧獎即時重要晒！
獅子座
唔駛多講都知道，對於呢個要面要威的星座，捧獎係幾咁重要，係幾咁神聖，不過同白羊座有d唔同，就算最後拎唔到獎，但係傳媒炒作成大熱倒灶的話，繼續畀各方捧上天的佢又唔會太傷心喎！仲會啟動「自我安慰模式」認為係d評審唔識貨咋！佢需要大眾的認同多過真係捧獎！
處女座
其實處女座係另一個唔係咁輸得星座，由一開始獲得名，無論佢到底做得係咪真係咁好，響佢自己心目中已經認定一定係自己拎獎，所以一旦輸佢會好難接受，仲會認為係有黑幕，佢會勁唔開心，嬲到索性以後唔玩！個性好強烈好執著！
天秤座
出晒名係和平主義者就梗係贏輸都冇所謂啦！佢真係覺得有得提名已經好開心，輸咪當拎個經驗，贏咪當係花紅囉！不過佢好介意見到d賽前分析寫佢係陪跑，佢會唔多高興，更加介意就梗係賽後畀d所謂時裝設計師猛彈佢當晚的悉心打扮！
天蠍座
基本上對天蠍座來講，佢應唔應該捧獎，值唔值得表揚響佢自己心目中已經有個小型頒獎禮，佢唔覺得需要你班友仔畀個獎佢認同，之但係如果一次輸第二次又係輸的話呢，仲要畀人係咁唱，佢條氣就唔係咁順，係都要拎到獎為止！
人馬座
呢位放蕩不羈的老友對於拎獎冇乜所謂，有得拎就固然之開心啦！冇得拎佢只會覺得係自己運氣唔好同評審唔識貨，捧唔捧到獎對佢真係冇乜壓力，但唯一佢最受唔住的係有原來背後有黑幕，真係咁佢會寧願以後唔玩呢個遊戲唔好再煩佢！
山羊座
對於山羊座呢d現實派掌門人來講，個獎重唔重要就要睇下個頒獎禮有幾多斤量，如果輸d雞毛蒜皮蚊型又唔得專業的頒獎禮佢一d感覺冇，一講到超重要好似奧斯卡呢類呢，佢就梗係恨到發燒啦！不過講到真係令佢最唔開心的反而係拎金草莓獎，講到尾佢受唔住畀人踩多過冇人讚！
水瓶座
同天蠍座一樣，響水瓶座內心已經有個私人頒獎禮，佢係唔多需要其他人的認同而得到信心，所以拎獎對佢來講唔會睇得咁重，拎唔到佢仲可以化為原動力再努力過，反而佢最受唔住係捧獎之後畀人話佢唔係實至名歸！
雙魚座
至於呢班與世無爭雙魚座，有得提名佢已經好開心，畀大眾捧佢為頂頭大熱佢直頭當已經捧埋獎咁開心，不過一旦大熱例灶的話呢…佢會雙倍失落，所以反而志在參與冇乜期望的話佢會好滿足，只要中間有期望佢會一沉不起！好受其他人反應的影響！
一田一 2007-12-30 12:05
天蠍座
基本上對天蠍座來講，佢應唔應該捧獎，值唔值得表揚響佢自己心目中已經有個小型頒獎禮，佢唔覺得需要你班友仔畀個獎佢認同，之但係如果一次輸第二次又係輸的話呢，仲要畀人係咁唱，佢條氣就唔係咁順，係都要拎到獎為止！
櫻SE 2008-2-24 21:41
巨蟹座
你咪以為呢位平日唔多出聲冇乜所謂的巨蟹座唔恨捧獎喎！雖然話佢對於輸贏真係睇得唔重，但係講到輸同贏背後帶出的利與弊佢就睇得好緊要，一旦成為男主角以後開戲可以叫高一百萬喎！捧獎即時重要晒！