zeushiuka 2008-6-28 22:00
死亡彎角怨靈
[table=100%,#FFFFE6][tr][td][size=9pt][發帖際遇]: [url=http://ds-hk.net/event.php]zeushiuka贏了wii比賽冠軍，獲獎金現金100Ds幣.
[/url][/font][/td][/tr][/table]
死亡彎角怨靈
檔案編號：006
檔案日期：2002年3月1日
受害人：阿俊
CY：「喂！食唔食飯呀？」拿拿淋：「食！不過我約o左阿俊喎！」CY：「阿俊？又出o左新車呀？梗係叫你去試車啦！」拿：「一唔一齊呀？」CY：「點一齊呀？佢o架跑車成日都2個位，唔通要我坐Dog Seat呀？我唔制o架! 」拿:「唔使Dog Seat呀！佢部新車好似4 Seated o架！」CY：「係咪真o架？」拿：「一齊啦！佢呢排Short Short o地咁，順便去Check o下佢係咪撞邪o牙嘛！係o既話，我o地咪多單生意囉！」CY：「好呀！喂……但係……」拿：「佢請呀！」CY：「好o野！又慳返餐！」
拿拿淋、CY步入一間高級餐廳內，四處張望，搜尋阿俊o既身影。侍應：「May I help you？幾多位呀？」CY：「我o地個朋友訂o左位o架！Mr.Joe Hui！」侍應：「Oh！Mr.Hui ！This way please！」侍應引領CY拿拿淋到一張落地玻璃前的餐桌。
拿：「阿俊搞咩呢，佢好少遲到o個喎！」CY：「係呀！佢成日都話佢手車去邊度都唔會遲到個喎！」此時，阿俊匆匆忙忙趕至餐廳。拿：「佢o黎喇！」CY：「好彩！有人埋單！」阿俊：「Sorry呀！」拿：「算啦！你幾何遲到呀！」CY：「呢餐唔同你爭喇，當罰你遲到啦！」阿俊：「冇問題！」拿：「叫o野飲先啦！」阿俊：「咪住！」CY：「咩事呀？齋食唔俾叫o野飲呀？」阿俊笑了笑：「唔係！我想問問兩位，我有冇咩唔妥呀？」拿拿淋同CY從頭打量這位富貴公子到腳，然後互望一眼，似有所發現。拿拿淋慎重地思量下，得出一個結論：「你…件恤衫唔係一向o既Gucci，變o左Prada！」CY想了想：「你條西褲好似變o左Paul Smith！」阿俊：「喂！我唔係話呢o的呀！」拿拿淋同CY充滿疑惑的望向阿俊。阿俊：「我講……氣色呀！(悄悄)我有冇撞邪呀？」
CY斬釘截鐵說：「冇！一定冇！」阿俊：「咁肯定？」拿：「CY咁Sensitive！如果你有事，你一坐低佢就知啦！」阿俊：「但係我呢排晚晚返屋企都好驚呀！」拿：「咩事呀？」阿俊：「你知啦，我住清水灣o架嘛，o個度夜晚已經夠靜英英o架啦！呢排我返屋企仲驚到飛起添呀！」
話說某一夜，淩晨2點多，阿俊如常駕車回家。當他經過一個俗稱「死亡彎角」的地點時，他一轉o左入彎，突然迎面一個血流披面的女性撲向阿俊的擋風玻璃。阿俊被這突如其來的「訪客」嚇至魂不附體，即時將車煞停。由於速度太快，車子被煞到不停轉圈。他定一定神再望望擋風玻璃，清楚看見剛才那位女性留下的點點血跡。阿俊猶豫了好一會，再將車子泊好，開了死火燈，懾手懾足地下了車。阿俊戰戰兢兢地檢查車底，看看那位女性是否被輾進車底。他探頭一看，「咦？去o左邊呢？明明見到個女人o架？o的