vivianlau0810 2008-7-19 21:02
十二星座的七年之癢
[table=100%,#FFFFE6][tr][td][size=9pt][發帖際遇]: [url=http://ds-hk.net/event.php]vivianlau0810贏了啤牌大賽冠軍，獲獎金現金50Ds幣.
[/url][/font][/td][/tr][/table]
十二星座的七年之癢
白羊座
一向最有爆炸力但冇乜持久力的白羊人，唔好講7年，部分連拍拖1年都已經周身痕，白羊可以話係「7年之癢」的高危人士，不過又唔駛咁擔心，事關白羊人好講責任感，就算真係痕佢都會對大家呢份感情保有責任，尤其係已經結婚，所以痕還痕，佢又冇講話一定要出去攪攪震同你分手！
金牛座
一向專一的金牛人出現7年之痕的機會唔會太高，不過身為另一半的你又唔好開心得太早喎！事關對於金牛人來講會唔會發生「7年之癢」係好睇大家的感情基石係建立成點，響你又愛佢佢又愛你的大前題下，唔好講7年，70年佢都唔痕，不過如果由初初拍拖已經唔係攪得咁好，忍你7年咩都夠晒啦！
雙子座
同白羊座的情況有少少相似，雙子人亦都係冇乜持久力，意思係佢好難會愛一個人咁長時間，理論上確實係好易出現「7年之癢」的情況，不過又唔駛太擔心，要對付貪新鮮的雙子座，最緊要係畀多少少唔同的新鮮感佢，而且最緊要係明白比起情情塔塔的戀愛關係，雙子人更加賣維持住情人加好朋友的帳！
巨蟹座
咪睇巨蟹人充滿溫情，其實佢冇大家想像到咁專一長情，拍緊拖的故意之驚驚，就算係已經結婚都唔好咁老定！雖然話巨蟹人一切都以家庭為重，但係都唔代表佢唔會為出面另一個而放棄自己的老公老母！好在巨蟹人一向多心又鍾意諗左諗右，等佢諗緊分唔分手得來可能都已經平安渡過17年囉！
獅子座
李安先生話齋，每個人心目中都有一座「斷背山」，而據占星研究，響每個獅子人的心目中都會出現「7年之癢」！身為獅子座另一半的你又唔駛擔心，話就話響佢心目中有諗「7年之癢」，不過諗唔代表佢一定會做嘛！獅子貴為掌管戀愛的星座，無時無刻都會諗住，不過每每響考慮到自己的另一半時又唔會亂來！
處女座
原則上，最識得精打細算的處女座揀得同你一齊，佢都已經運用佢精密的頭腦計算好晒同你一齊有乜著數有乜唔好，再加上佢響感情上多多少少都係屬於死硬派，所以「7年之癢」發生響佢身上的問題唔係太大，不過大部分的處女座對初戀情人都存在有好大的幻想，畀佢撞返初戀就另當別論！
天秤座
無論係拍緊拖定係已經結婚的天秤座人對感情都係好有承擔，只要一旦建立情侶關係，就算大家一齊幾耐，佢都會努力維繫彼此的關係，不過呢，同樣地佢又好講同人的互動，只要佢覺得另一半響感情上唔夠投入，被對方忽視，就唔駛幾耐都想分手！
天蠍座
要講最配合「7年之癢」呢個講法的星座就正正係天蠍座，雖然話天蠍人一向用情深又專一，不過弊就弊在佢響性生活上有貪新鮮的傾向，如果大家有性關係克板又死，如果冇性關係佢覺得沉悶得滯又死，所以同天蠍一齊千祈咪掉以輕心呀！
人馬座
人馬人的例子就最極端，不分人馬仔或者人馬女，一半會未到一年就周身痕，亦有一d成世都唔痕只會盡心盡力為大家建構美好將來，至於會撞到邊一邊的人馬座，就要睇你的彩數啦！
山羊座
山羊人一生都要為達成自己的目標而努力，講起談情說愛對佢來說未必係人生最重要的事項，甚至有d會覺得煩，所以一旦搵到個合心水又可以一齊咁耐，多多少少都唔會響出面攪咁多事！所以話佢邊得閒癢呀！
水瓶座
出乎意料，平日對感情睇落好似唔緊唔要的水瓶座，大家一旦一齊之後，佢就唔會得閒去諗三諗四，更加唔會話有「7年之癢」的機會！所以同得水瓶座一齊，一般情況都唔會有痕，反而通常都係水瓶人的另一半痕就真！
雙魚座
數來數去，要數最冇機會發生「7年之癢」事件的星座計落都應該係雙魚座，無論係魚仔定係魚女，對感情都係十分死心塌地，而且思考邏輯非常咁極端，佢一係唔落塔，只要一旦踩隻腳落去，佢就會義無反顧咁將心機放落呢份感情度，所以「7年之癢」對佢來講真係搵手抓抓就解決得到！
鬼鬼 2008-7-19 21:11
水瓶座
出乎意料，平日對感情睇落好似唔緊唔要的水瓶座，大家一旦一齊之後，佢就唔會得閒去諗三諗四，更加唔會話有「7年之癢」的機會！所以同得水瓶座一齊，一般情況都唔會有痕，反而通常都係水瓶人的另一半痕就真！
naoko 2008-7-19 21:14
人馬座
人馬人的例子就最極端，不分人馬仔或者人馬女，一半會未到一年就周身痕，亦有一d成世都唔痕只會盡心盡力為大家建構美好將來，至於會撞到邊一邊的人馬座，就要睇你的彩數啦！
原來我係咁...
我一d都吾知..
s9706 2008-7-19 21:24
獅子座
李安先生話齋，每個人心目中都有一座「斷背山」，而據占星研究，響每個獅子人的心目中都會出現「7年之癢」！身為獅子座另一半的你又唔駛擔心，話就話響佢心目中有諗「7年之癢」，不過諗唔代表佢一定會做嘛！獅子貴為掌管戀愛的星座，無時無刻都會諗住，不過每每響考慮到自己的另一半時又唔會亂來！
嗯嗯，對，可能想，但我絕不會做！
憐蓮 2008-7-20 13:53
天秤座
無論係拍緊拖定係已經結婚的天秤座人對感情都係好有承擔，只要一旦建立情侶關係，就算大家一齊幾耐，佢都會努力維繫彼此的關係，不過呢，同樣地佢又好講同人的互動，只要佢覺得另一半響感情上唔夠投入，被對方忽視，就唔駛幾耐都想分手！