發新話題
打印

[星座命理] 咩星座人最有義氣呢?

咩星座人最有義氣呢?

本文來自:☆夜玥論壇קhttp://ds-hk.net★ 轉帖請註明出處! 發貼者:monicamok24 您是第459個瀏覽者
[發帖際遇]: monicamok24獲得本周補貼現金18Ds幣.


白羊座

又唔係話佢冇義氣,不過呢,響佢眼中幫唔幫你好似唔係咁關義唔義氣事,白羊座一向都好鬼自我,所以佢出手幫你都係出於是旦啦的心態,千其咪誤會佢睇得你好重要呀!


金牛座

金牛座一向都出名有義氣,尤其係金牛仔對住異性更加冇話托手?,不過最緊要係等佢自己出手,金牛出晒名硬頸,幫手都係講自願性質,絕對迫唔到佢!低聲下氣叫help me啦∼∼∼∼


雙子座

咪睇雙子座成日唔知諗緊乜咁,其實佢都好重情義!仲係出乎你意料之外果隻添!所以有咩事去到真係冇計時都可以搵佢幫手,不過就一定要計下你同佢有幾老友先!


巨蟹座

出於母愛佢幫得到一定會幫你,不過要留意佢只會響佢能力同預計之內先幫手,如果裡面有危機同埋涉及錢的話,千其咪怪佢唔肯幫手,點都好佢對你寄予無限同情。


獅子座

其實獅子座都幾頭腦簡單,只要佢認定你係自己人,無論要佢點樣撐你,就算對方係老細,佢都會用本死無大害的精神幫你,所以要論最有義氣的星座,睇怕都係講獅子座囉!


處女座

處女座出晒名為人冷淡兼且服從性高,想搵佢講義氣難度分直頭十分爆燈,不過呢,如果對佢來講只係舉手之勞,叫到佢幫手咁佢又冇乜所謂,唔好對佢有期望反而有驚喜。


天秤座

注重朋友的天秤座唔駛講一定係義氣仔女啦!但係唔好開心得太早,雖然佢係義氣仔女,但係因為性格實在太柔弱,所以好多時候都只係提供精神支持,冇乜實際幫助。


天蠍座

天蠍座係最爆冷講義氣的星座,只要佢認定你係老友,要佢赴湯蹈火佢都在所不惜,而且完全唔駛你講,佢都會主動提出幫忙,佢仲可以順便趕走埋佢最憎果個,有個天蠍好朋友請放心啦!


人馬座

講唔講義氣就要睇佢點睇呢次事件啦,如果佢認為唔係你錯,佢一定會竭盡所能幫你手;但係如果佢認為你係唔著,佢反而會調轉頭教訓你一番添!小心d呀!


山羊座

其實山羊座本身冇乜朋友,如果你真係叫到佢幫手佢都真心想幫你,不過呢,佢又絕對唔想因為幫你而累到自己,所以響幫唔幫手呢點上就睇下成件事對佢有幾大影響啦!


水瓶座

一般情況你都會覺水瓶座只會冷眼旁觀,千其咪誤會,其實佢唔係唔幫手,只係佢會用一D唔係咁明顯的方法幫你,例如畀下意見或者金錢支持,事關佢可能對事件有另一種睇法。


雙魚座

愛心爆棚的雙魚座會努力安慰你受委屈的心,佢會對你寄予無限的同情,不過慘還慘,咪諗住佢會真正幫得上忙,其實雙魚座絕對唔係大家諗到咁簡單,唔好傻啦!

TOP

處女座

處女座出晒名為人冷淡兼且服從性高,想搵佢講義氣難度分直頭十分爆燈,不過呢,如果對佢來講只係舉手之勞,叫到佢幫手咁佢又冇乜所謂,唔好對佢有期望反而有驚喜。


叫人對我不抱期望,過份
❀莫失๓莫忘๓莫離❀

TOP

發新話題

當前時區 GMT+8, 現在時間是 2024-6-16 22:03

Powered by Discuz! 6.0.0Licensed © 2001-2014 Comsenz Inc.
頁面執行時間 0.052905 秒, 數據庫查詢 8 次, Gzip 啟用
清除 Cookies - 聯繫我們 - ☆夜玥論壇ק - Archiver - WAP
論壇聲明
本站提供網上自由討論之用,所有個人言論並不代表本站立場,並與本站無關,本站不會對其內容負上任何責任。
假若內容有涉及侵權,請立即聯絡我們,我們將立刻從網站上刪除,並向所有持版權者致最深切的歉意。