[靈異] 石澳海灘

小芬與約十個同學一齊去石澳海灘玩，因是另一位女同學的生日。

在一月中夜晚11點半，天氣仍寒冷，但她們也玩得很開心。她們在海灘玩了約45分鐘，便一齊行到去海灘的中央，坐在沙灘上講笑。隔一會，有同學提議去另一邊石灘探險，當大家起身時，小芬發覺自己下半身不能動，以為是腳痺，所以叫其他人行先，而自己稍後再過去。

當小芬行了三分二時，發現自己全身都不能動，只可望到個海，這時有一把男人聲在小芬耳邊講「你們好嘈呀！唔好再嘈住我讀書」。

小芬好驚，因把聲好似收音機，完全無生人的氣息，且亦見唔到同聽唔到有人行埋身邊，當時完全不敢動，只是一直標冷汗。15分鐘後，有一個同學回來找小芬，但係小芬唔敢講，只一味叫他們儘快一齊離開。到了第二日天亮，小芬再對他們講出真相，還表示以後都唔敢夜晚去海灘了。