9 個女藝人撞鬼實錄 [[[[[[[真實]]]]]]]]【已檢閱】
本文來自：☆夜玥論壇ק★http://ds-hk.net★ 轉帖請註明出處！ 發貼者：
╭牙蚊＊ 您是第862個瀏覽者
俾鬼摸 － 陳敏之
唔知係唔係前排做嘢做得太累，導致腦電波太弱。有次瞓咗冇幾耐，突然感到有一股力量壓住自己，不但全身唔郁得，連想叫出聲都唔得，好辛苦先睜開對眼睇到當時係半夜兩點鐘。過咗冇幾耐我又感覺有隻手好慢咁由額頭開始摸我，一直摸咗好耐，由於我已經好累，第二朝又要開早，所以我突然由驚變成憤怒，心諗點解佢咁耐都唔走 ga！於是我用盡氣力叫到出聲為止，仲喺度狂鬧果隻嘢，最後佢都走咗，之後我成個人都舒服哂！
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
日本猛鬼酒店 － 趙學而
我出咗名大膽，所以每次出埠都一個人瞓一間房，舊時我去日本工幹，同成班工作人員入住一間酒店，好自然我亦係一個人住一間房，但有一晚當我瞓瞓吓，突然感覺到左腳麻痺，跟住痺到上左耳，之後又輪到右邊腳痺，同樣痺到上右耳，我成個人都郁唔到，想叫又叫唔出聲，惟有唸心經，過咗一陣
，我以為冇事，但又感覺到有一隻似手又似腳�H物體踏住我個肚，我驚到大叫，今次終於叫得出聲，個人仲郁得到，我望吓個鐘，係早上五點零二分，我拿拿臨走落大堂坐天光，等ｄ工作人員起身，之後聽番一位工作人員講，原來果間係有名�H猛鬼酒店嚟 ga ！
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
「喃無阿彌陀佛」趕鬼 － 袁彩雲
果次係我首次去美國華盛頓玩，一踏入酒店房我已經覺得唔舒服，平時我一覺就瞓到天光，但果晚點都瞓唔著，半夜仲突然間感覺到有個人影好快咁由我右邊床邊走到床尾，因為太驚，所以我冇起身望清楚，但就不停係心裡面唸『 喃無阿彌陀佛 』，雖然之後再冇見到黑影，但第二日當我同隔離房�H朋友提及此事時，原來佢都有同樣經歷，後來我先知，原來果間酒店歷史悠久，喺華盛頓打仗時期已經存在。
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
墳場鬼火 － 蒙嘉慧
我有兩次恐怖經歷，第一次係細個果陣，我全家住喺村屋，我同媽咪瞓到半夜都同時聽到大門外有『 人 』拖住鐵鍊行路�H聲音，因為太驚，所以我哋最後都冇開門睇吓發生乜嘢事。另外一次係幾年前我同李燦森合作拍一套鬼電影時，有晚我哋去墳場拍戲，竟然見到有個荒廢咗�H墳墓突然著起小火，當時已經係凌晨五點幾，而在場�H工作人員亦一直冇走埋去睇，點解會無端端起火？諗落都有ｄ驚
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
凌晨四點耳邊響起單車聲 － 譚小環
有次我去大西洋城登台，當踏入酒店房間時，覺得渾身不自在，由於當時我先到過助手的房間後才入自己的房，在她的房間感覺並無任何不妥，但在自己房間就特別唔舒服，到半夜四點左右，我的耳邊突然響起單車鍊的聲音，但當時酒店外的街道很靜，連車聲也沒有，我心知不妙，便將媽咪給我的玉珮拿出來，過了約半小時後，便再入睡了。之後，媽咪每年都在泰國四面佛替我求一道符，給我隨身攜帶保平安。
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
學校內見鬼 － 車婉婉
我小學讀果間學校以前係亂葬崗，所以成日有ｄ鬼故流傳，不過果陣細個唔識驚，有一次仲同幾個同學暱埋喺廁所，諗住嚇另一個同學，點知等等吓見到一個白色物體飄過，起初以為係幻覺，又以為係同學伸個頭出嚟嚇我哋，後來問番佢佢話我哋黐線，仲話頭先都唔得閒理我哋，果陣大家先懷疑可能係見鬼呢！
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
水喉自動開關 － 黃泆潼
較早前我去咗泰國參與一部鬼電影�H外景拍攝，因為入住果間酒店都幾舊，所以俾我�H感覺唔係太好。咁啱大部份工作人員都住喺九樓，我則住八樓。喺最初果幾日都冇乜嘢發生，但最後一晚我瞓瞓吓，就聽到洗手間傳出好清楚�H水喉聲，起初好慢，後來就愈開愈大。果刻都幾驚，我又唔敢望洗手間有冇嘢，但係又瞓唔著喎，之後等咗好耐，ｄ水喉聲先漸漸收細番。為咗保平安，我經常都會將道由朋友幫我求�H護身符放喺銀包 ga ！
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
夜半奪命鬼爪 － 薛家燕
小時候我住在鑽石山的石屋，有日我同家姐見隔離屋的阿伯將窗門的玻璃油上綠色油，問他點解，佢話前一晚瞓覺時見到有一隻爪在窗外猛抓塊玻璃，於是便油上綠色油，如果再有爪抓玻璃，佢都唔會見到，咁就冇咁驚。點知第二日，我們見附近有救傷車，原來果個阿伯出咗事，送去醫院後仲死埋添
。不過到底阿伯係因病還是真係因果隻爪而死就無從稽考，因為當時只有我和家姐知道有關鬼爪的事呢！
◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎
會彈的汽水罐 － 楊怡
好細個�H時候，有晚我坐巴士途經沙田某處，因為紅燈著咗，所以巴士停低等候，喺呢個時候，我望到街上一個汽水罐竟然直立式咁彈下彈下，每次都彈得好遠，而且仲彈到兩、三呎咁高，我初頭以為有人用線拉住個罐，但睇清楚之後，知道一定冇可能，因為附近唔只冇人，仲連一座建築物都冇，咁你話奇唔奇呀！
[ 本帖最後由 玥雵 於 2013-3-6 21:55 編輯 ]
