[笑話] 白痴侍應事件薄

白痴侍應事件薄 有人話，有三個行業係唔可以得罪。第一 : 護士，因為係佢同你打針，得罪佢支針會變大d。第二 : 髮型師，因為係佢同你改變形象，得罪佢你會一頭半個月唔可以見人。第三 : 侍應，因為係佢幫你攞野食，得罪佢你今晚會响醫院渡過。 但，行行出狀元，亦都行行有敗家，今次同大家講件親身經歷，好笑或遇過類似經歷的話，就回一下吧~~ 時間 : 今年某週末晚上地點 : 尖沙咀某食肆人物 : 火爆，女友，侍應妹妹 有一次去尖沙咀食晚餐，聽朋友講某食肆d野都幾好食，價錢仲幾平，咪去試一試。一去到，梗係望下個餐牌，依 ! 睇到個menu寫會員有八折，我地li d咁慳o既人，梗係要問下la。我見到個女待應，幾後生，仲幾好樣，即刻叫佢過黎問下佢。火爆 : 『會員係咪有八折ka?』侍應妹妹: 『係呀。』火爆 : 『咁點樣可以係會員呀?』侍應妹妹: 『有會員咭咪係會員囉。』心諗 : (我夠知la，唔通有八達通就係會員咩! 算，再問。) 火爆 : 『咁，點先可以有會員咭呢 ?』侍應妹妹: 『係會員咪有會員咭囉。』(天呀! 開始火滾，都仲係好客氣) 火爆 : 『咁點樣申請呢? 』侍應妹妹: 『你向我地公司申請就得。』心諗 : (鬼唔知咩! 唔通响銀行申請咩~) 火爆 : 『咁有咩資格先可以申請?』侍應妹妹: 『我唔知喎。』心諗 : (唔知? 火滾度已到七級，警報已經响起。) 火爆 : 『咁洗唔洗填form?』侍應妹妹: 『我唔知喎。』心諗 : (又唔知? 火滾度已到九級，請消防隊戒備。) 火爆 : 『又唔知? 咁你知d乜?』侍應妹妹: 『我知係會員就有會員咭，無會員咭咪唔係會員囉。』心諗 : (咁串? 火滾度已到十級，請消防隊立刻射水，請立刻射水。) 火爆 : 『唔該叫你經理過黎。』侍應妹妹: 『我唔知邊個係喎。』心諗 : (係咪玩野?!) 火爆 : 『乜都唔知，你新o黎ka?』侍應妹妹: 『係吖，第二日返工，依道幾好玩吖。』心諗 : (梗好玩啦，我都被你玩左咁耐………) 後來搵到個經理，知道佢真係第二日返工，係o個d甚麼青少年見習計劃… 我真實領悟到 : 人唔會係完美，佢靚，不過真係……唉! 年青人，加油吧! 香港的未來就靠你了