[靈異] 唔好扔下小朋友係酒店【已檢閱】

啊恩係一個五歲既細路女，同佢哥哥啊輝一起跟媽媽去酒店旅行，咁岩有幾個團友係賭鬼，恩媽賭虫大發，於是夜晚留低左對仔女去賭大細，結果就因為自己一時好賭而後悔一世。

           當時恩同輝兩個一起訓，作為哥哥的輝，媽媽唔係度就負起照顧細妹既責任，十二點中，輝見媽媽仲唔番來，就自己走去找媽媽，但佢一走出去，就見到走廊有d人走去走來，個個面無血色，當時7歲既輝雖然驚，不過都希望可以搵媽媽番來，因為妹妹一醒唔見媽媽就喊，輝唔知媽媽去左邊，佢試下問人，就搵左個婆婆問，「婆婆！有冇見過我媽媽啊！」但個婆婆突然間好驚，其他人係咁望住個婆婆，眼神好奇怪，好似暗示佢唔好亂講野咁。「冇啊！小朋友！」個婆婆急急腳走左，之後有個著紅3既姐姐走過去話幫佢搵媽媽，輝好開心，以為有救星，個姐姐一路同佢走去後梯，輝因為矮，岩岩睇到佢冇腳，好驚。自己跑開左，但一直都聽到個姐姐話「小朋友~~番黎啦~~嘿嘿！」
  
         輝好驚，一直跑，周圍跑，突然比一個清潔女工捉住，「小朋友，你去邊啊！」個女工問。「搵媽媽！」輝喊住講。「你媽媽唔係房？」女工面色一變。「係啊！得我個妹妹炸！」輝喊。「妹妹！！」女工對瞪大眼。「小朋友，快d返去，唔好等媽媽，關門，天光前唔好出來。」個女工好激動，輝跟女工既話，入番去。
   
         一入去就見到恩同d冇腳姐姐玩，好似好開心咁。d姐姐成身綠光，叫輝一起玩。輝知道有問題，又唔敢出去，突然諗起自己要保護細妹，佢立即開燈，順手拎把梳做兵器，d人唔見哂，輝摟住個妹，突然支燈又熄左，d人又出番來。個個都好似好嬲咁，係咁咬輝同恩，成床都係血，只聽到大叫，「唔好咬我個妹啊！」叫得好大聽。連其他團友都聽到。媽媽以為個仔發惡夢，立即番去。一出門就比鬼打牆，好似迷宮咁，走極都唔出，周圍都係綠色。直到成5點幾日出先見到出口，當時果位女工一巴打佢，「仲有一個....」女工講，之後立即唔見左。媽媽睇到個女工叫咩名，「張喜」，佢一入門口睇下咩事，立即嚇呆左，周圍都係血，輝被撕成一片一片，心臟放在床頭，頭吊到窗邊，恩一樣成身血，不過仲有呼吸。媽媽即場嚇呆左。

        立即來查個女工既資料，結果，「張喜，一年前心臟病發，在酒店內死亡。」

         半年後，恩出院，不過對一切都冇哂印象，什至唔記得有輝呢個人，但她夜晚常說：「姐姐！我唔玩了！」而酒店內也傳出，「我要保護細妹....」

[ 本帖最後由 玥雵 於 2013-3-15 19:11 編輯 ]