一個推點心既阿嬸可以笑死好幾張台既人(真人真事有少少18+)
本文來自：☆夜玥論壇ק★http://ds-hk.net★ 轉帖請註明出處！ 發貼者：
lorinlam 您是第501個瀏覽者
話說有一日我同屋企人去酒樓飲茶既時候，我老爸同大哥都想食山竹牛肉，於是我咪睇睇賣山竹牛肉架車仔係邊囉，原來岩岩係廚房推架車仔出黎，當佢架車仔停左係離我張台約十張台遠既其中一張台既時候，咁我就帶住張卡去拎啦，天大既笑話就開始發生啦
我去到同個阿嬸講: (唔該一籠山竹牛肉丫)
個阿嬸廣東話唔正而且把聲仲好大聲下架，咁佢答: (哦!山竹牛肉丫嘛，後生仔咁你要唔要gap汁丫)當時附近食緊野既人通通噴晒出黎
當時我嚇到傻左: (下!!!你俾我呀)
個阿嬸就話: (咁gap汁梗係我俾你啦，唔係你邊有丫)附近既人再噴，並且已經唔諗住再食野住，想睇下戲先
於是我就講: (哦!!好丫!我要(喼汁)，咁阿嬸你俾少少(喼汁)我丫)
但個阿嬸好似想落好多咁我即刻喝停佢之後話: (唔駛咁多，可唔可以俾我自己落啦)
跟住果個阿嬸佢講左一句令我再冇面留係酒樓既說話: (後生仔咁麻煩架，咁你到底要幾多gap汁架，唉..............我俾晒你，你自己奶啦，(即係自己黎啦))當時隔離台既人已經再冇辦法食野啦，個個都笑到停唔到口，而我一拎完果一籠得來不易既山竹牛肉後亦都即刻走返自己張台，之後仲唔敢再出去拎任何野食..............................
