同性戀，其實我一開始都唔太接受到。
但依家唔知係幸運定試煉，竟然俾我識到佢，同佢做左2年fd，開始發現自己好似開始鍾意左佢。
見唔到佢既時候會成日唸住佢；
見到佢同其他人好開心傾計既時候，個心好似俾野壓住，呼吸唔到；
見到佢唔開心唔舒服既時候，好想走過去幫佢，但又唔知點開口，只好在遠處睇佢(呀 我好無用)；
見到佢走過黎同我傾計既時候，我突然會變左詞窮，呆呆咁講住幾句毫無意思既話；
唉 暗戀好辛苦，點解無論係小學定中學，我都只能暗戀人地，無膽講出黎!
(補充一句，我小學係雙性學校 [暗戀期為三年半]，依家係單性中學 [暗戀期為兩年，待續])
正因為黎個原因，依家覺得同性戀無咩特別，無咩抗拒(哈 我係幾咁自私既人)，
不過知道佢有鍾意既同性但唔係我既時候，雖然有D唔開心，但我會繼續做好朋友既責任，支持同祝福佢，
而我就唔使怕如果講左出黎會連朋友都無得做既後果，繼續留係佢身邊，
雖然痛苦T^T，但都快樂!
哈哈 講講下變左表白tim，
各位唔好意思同心感抱歉，對唔住呢!
