山羊座必選科目：城市規劃．物理治療
你最為「錢」途著想，只有實踐收入高有名望學科先至能夠吸引你。
城市規劃、物理治療等較冷門但「搵到食」必然係你首選。
城市規劃畢業後可入政府部門，收入高工作穩定；
而讀得物理治療學士的話，你一定會讀埋碩士，再考十張八張證書，掛牌做專家。
當你想可以每小時收人幾千蚊時，你就會好發奮讀書。

水瓶座必選科目：時裝設計．天文學
你作風大膽，思想前衛，修讀時裝設計正好發揮你那天馬行空創意。
你對潮流觸覺敏銳，加上有自己獨特見解，構思出的作品會係充滿個人風格。
天文學亦係水瓶座的熱門選擇，你絕對相信UFO曾探訪地球，
土星水星各大星球有生物，九大行星以外重有好多好多「未知」，最好可以畀你走訪一轉。

雙魚座必選科目：電影創作
你係個多愁善感又愛幻想的人，修讀電影創作，
學習拍攝或攝影都能盡顯你潛質，你有好強的感受力，好知道點最能令人感動。
加上多情的你對萬物都有感覺，能捕捉到最為人所不知的景象。
愛幻想除有助劇本創作以外，亦有助文學寫作，
一系列傷春悲秋無病呻吟的作品你都有無限興趣，寫悲慘愛情小說都適合你。

白羊座必選科目：電腦科．社會學
你天生嫉惡如仇，係個頭腦轉數要幾快有幾快的人，
加上你有的是蠱惑，最適合電腦科或社會學。
電腦發展日新月異，食正你要求乜都要「急快捷」的個性，
病毒或千年蟲對其他人來講係大難題，但你就好有興趣去解決，並視其為挑戰。
至於社會學對於做警察及幫辦就最有用，你凡事要「行先」，做紀律部隊就最正。

金牛座必選科目：酒店管理．會計
你的首選必定係酒店管 或會計，皆因你認為最美好的人生，最基本要符合食住得好的原則。
從小你已經有個基本的酒店管理概念，加上你做事小心同細心，人際關係又好，注定食呢行飯。
你另一個特點係數口精，讀會計的話，包唔會俾人地搵你著數。
最好兩個學位都有，咁你就係名副其實的孤寒財主喇。

雙子座必選科目：傳理．語言系
你一定係傳理或者語言系的學生．前輩陳慧珊就係好例子．
雙子天生八卦但口齒伶俐及精靈有趣．係記者人才．好多人唔覺唔覺就過左好多料畀你．
事實上詭計多端的你係有心套人料．同「唱開」去．
你會以最短時間用最快的方法收風及傳送消息．你有極高的語言天分．
可以同時學多國語言．不過你的持久力就相當弱啦！

巨蟹座必選科目：兒童心理學．歷史科
你最喜歡照顧別人，母性強的你與小孩子最投緣．
修讀兒童心理學就相當適合你．你認為家庭係生命的重點．
細路係你的命根．你比其他人更細心觀察小朋友的反應．
更會用心聆聽佢地的說話．你會投入到日諗夜諗你個個案．
而且你的記憶力一流．但頭腦就唔算靈活．經常緬懷過去常陶醉．故此歷史科亦係心水之選．

獅子座必選科目：演藝表演系．政治學
自以為比別人有貴氣，聲線比別人嘹亮的你，
最重視自己可唔可以成為眾人焦點，修讀演藝表演系做主角就最適合你。
你表演慾相當強，企上舞台上的你比平日更有自信！
你亦不妨揀政治學讀下，你有領導才能，課餘可以搞搞民運遊行抗議，
你又鍾意講道理，最重要係上台發表意見時，重可以又做主角又做英雄啦！

處女座必選科目：醫科．工商管理
你必定係個出色的醫生或管理人才，選醫科或工商管理實無失拖。
你做事細心、挑剔，做實驗同做手術一定無出錯，
加上你有潔癖，醫院經常有陣陣消毒藥水味，你嗅到會覺得好安心。
你好有耐性，七年醫學生生涯絕對不成問題。 你另一強項係分析力強，
商學每日都有一大堆數據、資料要處理，統統都難唔到你。

天秤座必選科目：法律．營養學
你最重視和諧，凡事不平則鳴，讀Law及營養學都好符合你做人原則。
你自以為係一個好公平的人，而法律之前強調人人平等，
你據理力爭之時又可以條文為根據，讀Law 的學生名單一定唔少得你！
營養學講求各種元素配合，令身體得到協調達致和諧境界，
你天生貪靚，平時都已經好注意食物美顏，上堂時唔使專登備課都得。

天蠍座必選科目：心理學、科學
你驚人的洞察力同持久力適合就讀心理學或科學，
你細細個已經好叻用人的表情動作行為，去猜測佢的心理！
聲東擊西的雕蟲小技絕對難唔到你，你仲會利用人的心理去幫助自己或成為部署一部分，
你分分鐘可以反傳統或者發現更多新理論。 眾所周知科學精神在於深入觀察同耐性，
你好有可能係會花二三十年去發現新藥物的人。

人馬座必選科目：康體．哲學
你樂觀幽默又多多道理，選科紙的頭兩格一定有康體同哲學。
揀康體係因為你熱愛運動，各種體育項目都相當易上手，一兩堂已經似模似樣，
你十分明白何謂身心健康，有關理論唔教都識。 好動的另一面係思考哲學問題，
宇宙間的大道理、生存的意義、人性的真善美、道德倫理等，都係你思考重點。

[ 本帖最後由 雨子.oo. 於 2012-10-6 10:57 編輯 ]

天蠍座必選科目：心理學、科學
你驚人的洞察力同持久力適合就讀心理學或科學，
你細細個已經好叻用人的表情動作行為，去猜測佢的心理！
聲東擊西的雕蟲小技絕對難唔到你，你仲會利用人的心理去幫助自己或成為部署一部分，
你分分鐘可以反傳統或者發現更多新理論。 眾所周知科學精神在於深入觀察同耐性，
你好有可能係會花二三十年去發現新藥物的人。

細細個時我唔好叻用人的表情動作行為去猜測佢的心理！