有次搭小巴去銅鑼灣,諗住去''文輝''食野,我一直係度諗緊食咩好,但係當差唔多到既時候,想叫"文輝有落丫,唔該", 點知我好大聲咁叫左:"魚旦河丫,唔該!". 全車人都忍唔住笑出黎,個司機仲笑笑口話:"加唔加紫菜呀?!"嘩...瘀到震.
我朋友有次趕住返學, 忙出門時隨手拎左個電話出街, 上到巴士諗住拎出黎飛線,點知發現原來拎左個電視遙控出黎,嚇到佢收都收唔切!!
早前手提電話好流行"語音撥號",你對住電話叫:邊個邊個,咁電話就自動撥去邊個果度,方便好多咁話~有日放工搭地鐵,聽到係前面條西裝友向部電話大叫:"死八婆!",過左一陣(應該係條線通左),佢就對住個電話,用非常客氣既口吻話:"外母大人呀,我今晚唔黎食飯啦"....
