星座之世界盃篇
本文來自：☆夜玥論壇ק★http://ds-hk.net★ 轉帖請註明出處！ 發貼者：
楠~~ 您是第863個瀏覽者
星座之世界盃篇
角色扮演世界盃篇，睇完之後，就知你係俾人out出局，定係玩到散場捧盃o個喇！
紅牌出場指數：
第一位：白羊座99%
衝動派掌門人白羊人，其實係一個一等一ｏ既體育界中堅份子！因為佢ｏ地ｏ既爆炸力好鬼驚人，尤其是短跑就更加厲害！但面對九十分鐘ｏ既世界盃，佢就好快忍唔住頸，然後同對手炒鑊勁ｏ既，紅牌？放心，一定係你ｏ既！
第二位：人馬座90%
不負責任懶有衝勁ｏ既人馬人，通常最後就由衝勁變成衝撞，再加上佢ｏ地好多時做ｏ野都唔理人感受，又鍾意獨斷獨行唔理其他人，踢波呢家ｏ野，講ｏ既係團結精神，就算對手咪開始唔妥你，可能戰友首先唔妥你喇！
第三位：獅子座88%
火爆見稱ｏ既獅子人，唔夠兩句就會同人先而開口，繼而動手，你話紅牌通常俾咩人？就係俾呢ｏ的咁惡ｏ既人。身為佢ｏ既對手，小心身體之餘，記得小心俾佢問候埋你阿媽！你知呢ｏ的人講ｏ既唔收口ｏ架！
第四位：雙魚座71%
雙魚人出名慢，咁慢ｏ既人加上成日發夢，個波飛到埋ｏ黎都唔識諗辦法整走佢，你話呢ｏ的人係唔係應該即刻俾人飛出局呀？所以都係留ｏ係屋企做觀眾會開心多好多！
守龍門企位指數：
第一位：雙子座96%
守龍門ｏ個個最緊要係身手敏捷夠靈活，雙子人呢方面簡直係天才，所以守龍門ｏ既時候，分分鐘撲波ｏ既時候，仲會玩多兩個花式，娛樂實用都包保贏滿分，對於身為觀眾ｏ既我ｏ地ｏ黎講，當然就更加睇得開心又放心！
第二位：天蠍座95%
面對洞察力同分析力都係爆燈ｏ既天蠍人，你想ｏ係佢面前玩花臣，真係等如玩膽搏謄！只要要勾勾腳指尾，佢ｏ地就會諗到下一步你想點做！再加上守龍門係一個比較獨立ｏ既位置，以佢一向獨行俠ｏ既角色，咁就更加ｏ岩佢喇！
第三位：巨蟹座90%
心思細密ｏ既巨蟹人，好多時都能夠估到對手想做咩，另外，ｏ係賽事之前，佢ｏ地更加會熟讀對方ｏ既優缺點，所以當咩人射波，用咩技巧，佢ｏ地都會諗到應對招數，不過，撲唔撲得切個波就後話！
第四位：天秤座65%
整個世界盃之中，其實最ｏ岩天秤人做ｏ既位，應該係旁述，因為佢ｏ地一定可以令你聽出耳油，但ｏ係個場到要佢搵個位企，守龍門都係佢ｏ既強項，至少保衛家園，好多時都係佢能力可以做到ｏ既ｏ野ｏ黎ｏ既！
問鼎冠軍指數：
第一位：山羊座90%
「一唔係唔落場，一落場就一定要贏！」係佢ｏ地ｏ既口頭禪，所以佢ｏ地會用唔同ｏ既方法，令佢ｏ地可以無論面對任何對手，都能夠度到一套秘技對疊，再加上佢ｏ地好勤力，成 日都練練練，你話點會輸喎！
第二位：處女座88%
有計劃行事係處女人出晒名ｏ既！ｏ係一場球賽裏面，除ｏ左要有無限量ｏ既爆炸力同行動力之外，兵法都好重要，你估淨係得鋪牛力就可以贏到世界盃ｏ架？有時都要識食腦，咁先先可以百戰百勝ｏ架！
第三位：金牛座85%
沉著應戰，忍耐力勁到無輪ｏ既金牛人，無論ｏ係咩惡劣環境之下，都唔會影響到佢ｏ既表現，點解？因為佢「忍」得咯！對手點差，天氣幾壞，佢都會當睇唔到，向住佢ｏ既目標進發，咁ｏ既人，你話贏面點會唔高！
第四位：水瓶座82%
?鬖b人人平等，以體育精神第一，比賽第二掛帥ｏ既「世界盃」裏面，水瓶人雖然想贏，但贏得ｏ黎佢都要好有光彩，正所謂「行得正，企得正」先得，用「拿渣」手段贏人，佢寧可冠軍係第二個喇！
