Sub-title 1 : 刪棄屍片段留後路
本週三(18日)，第22集《學警狙擊》內容交代Laughing哥被孝哥發現卧底身份後，命鍾立文槍殺Laughing哥。原本劇情還交代鍾立文親手將Laughing哥放入麻包袋棄屍大海，以示Laughing哥真的死去，但出街版本卻刪去這一幕，留下伏筆，待續集翻生。
監製黃偉聲對此答得鬼馬，「佢係咪真係死左等大家估下囉 ！總之我地唔抺殺Laughing喺下一輯《學警》出現0既可能性。」而謝天華亦說：「我當然好想Laughing唔使死，可以喺下輯恢復身份，一切由監製決定啦。」
其他被剪劇情
Sub-title 2 : 原本版 -- 第七集臥底身份已揭
根據原本劇情，Laughing臥底身份早在第七集已露端倪。那一幕講述江世孝於社團兄弟面前做大龍鳳，扮嘢要斬貼身忠僕亞忠隻手，Laughing哥看在眼內擔心身份一旦被揭會滅口，於是匿埋一旁擲銀仔決定自己是否繼續留低做臥底。但最後監製唔想其身份咁快開古，所以呢幕無得留低，剪！
Sub-title 3 : 苗僑偉金剛斷背情
點解阿忠極力反對孝哥同芯姐一齊？喺下星期結局篇，原本有一幕交代亞忠回憶當年和孝哥喺台灣坐監時發生0既斷背關係，以交代亞忠因愛生妒，才會憎恨情敵芯姐。
雖然兩個男人無喺鏡頭前攬攬錫錫，但就以亞忠情深眼神，和經常借故捉住孝哥隻手嚟表達曖昧關係，而鍾意女人0既孝哥為令亞忠日後仆心仆命為佢辦事，故意同佢玩錯摸，可惜呢幕因刻情過長被迫刪剪，令觀眾無緣睇到三哥處男斷背戲。
【轉載】忽然一週 第712期 058及059頁 娛樂頂點
