[笑話] (轉帖)差老師

(轉帖)差老師

差老師

有一條村, 村民勤勉務農, 人人豐衣足食,
遺憾是人人目不識丁.

村長提議, 不如請個老師教導一下村內的子
弟, 增長一下文化知識, 以免被人嘲笑.

有一日, 有個讀過兩年卜卜齋, 識 d 唔識 d
o既不學無術之徒經過條村, 見有告示要請老
師, 走去應徵.

由於村民個個是文盲, 冇人知佢掂唔掂, 終於
俾佢搵到份工, 成為老師.

如是者, 過左幾年, 有一日, 有個學生指住本
書上面一個字問 : 老師, 呢個字點讀 ?

老師一望, 頭痕矣, 真是孤陋寡聞, 未見過呢個
字, 還是第一次見到這個 "梟" 字.

老師心諗 : 呢個字, 雀仔o係碌木上面, 梗係
mou o左o係碌木度啦 ...

然後同個學生講 : 呢個字讀 mou !

如是者, 成條村o既人都將個 "梟" 字讀成 mou ...

....

過左 30 年, 老師漸漸年老, 要退休啦 ...

村民是個個都自認知書識墨, 冇理由唔俾佢繼續落去,
村長又登告示請新老師 ...

有一日, 有個好有學問既舉人經過條村, 見到
請人, 咁, 佢就去應徵, 經個老師考o左一輪,
認為都有 d 料到, 終於請左佢.

過左幾日, 舊老師要回鄉,執埋包袱, 走人矣 ...

呢一日, 有個學生又指住本書上面一個 "梟" 字問 : 老師,
呢個字點讀 ?

老師同個學生講 : 呢個字讀 hiu !

呢個學生返到屋企, 大大聲讀個 "梟" 字出來 ...

佢老豆正在做o野, 聽到 hiu 字, 問 : 亞仔, 你讀乜野話 ?

仔 : hiu o羅.

老豆 : hiu 乜呀, 明明係 mou 字.

仔 : 唔係 wor, 老師話係 hiu 字 wor.

老豆 : 呢個老師唔知點教細路o既, 唔識讀就唔好亂教人啦 !

第二日, 個老豆同個老師交涉 : 亞老師, 你點教我個仔架,
將個 mou 字教成 hiu 字, 你有冇搞錯呀 !

老師 : 亞家長呀, 呢個字你o係邊度學番o黎o架 ?

老豆 : 你理得我o丫, 假假地我o係本村考第一, 你冇得挑戰我.

老師 : 你唔使咁燥, 呢個字係讀 hiu, 本本字典都係咁讀
架啦, 你查查字典先.

老豆 : 查乜野呀查, 你本字典有冇經鄉公所教育部核批o架,
點知你本字典堅定流呀, 就算係翰林院大學士編既, 冇經鄉公
所教育部核批, 我都當佢流o既. 我地人人都係讀個 mou 字, 你又
古靈精怪, 係要讀個 hiu 字. 又叫人查字典, 正一係尋章摘
句, 古之腐儒.

老師 : 唔係o瓜, 查字典都唔o岩 ...

老豆 : 梗係唔o岩啦, 字典係 d 老年咁遠o既o野, 而家 d 字o既讀音
呀, 意義呀, 都唔同晒, 都唔切合而家既需要, 你不如用文言文同 d 古
人o既音同我講o野丫, 笨 !

老豆拉埋個仔去鄉公所開會, 大家一致裁定, 炒o左個舉人老師.

................

舉人老師執埋包袱, 返鄉下o羅 bor ...

返鄉途中, 咁o岩撞番前任個老師 ...

前任老師 : 咦, 唔撈啦 ?

舉人老師 : 唉, 俾人炒.

前任老師 : 咁奇 ?

舉人老師 : 鬼咩, 佢地堅持個 "梟" 字讀 mou, 我話讀 hiu,
佢地唔信, 炒左我o羅.

前任老師 : 你豬頭丙o者, 打工o既野, 人地叫你 mou, 你就 mou 啦,
睇下我, 我都 mou 足 30 年啦; 你 hiu, 之o米就係 hiu 3 日咁大把o羅 ...