[笑話] 未 來 生 活 寫 照

未 來 生 活 寫 照

接線生：多多薄餅店，請問有乜可以幫到你？
顧客：喂，我想叫．．．
接線生：先生，請你講你既智能咭號碼。
顧客：呀！請等等，１２３４５６７８。
接線生：陳先生你好，你係住係元州街１號二樓，你既屋企電話係５３５４１１７７，你既公司電話係７０８６１３６６，你既手提電話係９３９４５３５４。請問你而家係邊個電話打黎？
顧客：屋企，點解你知道我所有電話號碼？
接線生：陳先生，因為我接通左智能系統。
顧客：我想要一個海鮮薄餅．．．
接線生：陳先生，海鮮薄餅唔岩你喎。
顧客：點解？
接線生：根據你既醫療紀錄，你有血壓高兼膽固醇偏高。
顧客：咁你有乜介紹？
接線生：你可以試下我建議既低脂健康薄餅。
顧客：你點知我中意食呢種？
接線生：哦，你係上星期一係中央圖書館借左本低脂健康食譜。
顧客：哎呀，好啦，我要個特大家庭裝薄餅，幾多錢？
接線生：唔，呢個都夠你一家十口食喇，８０蚊。
顧客：可唔可以用信用卡？
接線生：陳先生，唔好意思，請你用現金找數，因為你既信用卡已經過左額，你而家仲欠銀行＄３，３４４．４４。仲未計你供樓欠款利息。
顧客：哦，我去附近提款機提定錢先。
接線生：陳先生，根據你既紀錄，你今日提款機提款限額已經過左。
顧客：唔好懶叻，送薄餅黎先，我有錢係度。幾時送到？
接線生：大約４５分鐘，如果唔等得你可以自己楂車黎拎。
顧客：乜話！
接線生：根據系統紀錄，你有一架綿羊仔，號碼係ＰＫ１３６６。
顧客：＠＃＆＊＊＊＃＃％”：＊＆＠＊％＄
接線生：陳先生，請你小心你既說話。你係１９９７年７月１４日用粗口鬧警察，判左有罪喎。
顧客：（冇野講）
接線生：請問仲要Ｄ乜野呢？
顧客：冇喇，呀！係唔係有三罐可樂送？
接線生：係，不過根據系統紀錄你有糖尿病．．．．．．．．