☆夜玥論壇×§ - Powered by Discuz! Board

標題: [星座命理] 星座之「最]【已閱至#1】 [打印本頁]

作者: ivll 時間: 2007-4-7 23:40 標題: 星座之「最]【已閱至#1】

各個星座之最咩……
--------------------------------------------------------------------------------
最要買大碼衫星座－天蠍座

的確上天係有少少唔公平，無論係男又好女又好，天蠍座係最有肥大傾向的星座，就算後生瘦，大年紀之後都係最易會肥大肉厚，所以係最需要買大碼衫星座。

最鍾意柄響廚房星座－巨蟹座

住家感甚重的巨蟹座最鍾意食好野同煮好野，連佢自己都好鍾意親自落手落腳整，所以講到最鍾意柄響廚房非佢莫屬。

最容易同人搭訕星座－天秤座

天秤座對人的警戒心一向不足，再加上佢為人出晒名健談又friendly，所以最容易同人搭訕或者畀人搭訕就係佢。

最唔鍾意講自己秘密星座－天蠍座

一向最鍾意玩神神秘秘，本身唔鍾意將自己Ｄ野張揚之餘，亦都唔係咁鍾意人家八卦佢Ｄ秘密！不過呢，佢本身又好鬼鍾意八人家Ｄ秘密喎！

最苦盡甘來星座－白羊座

羊仔羊女本身的運氣唔係咁好，加埋年少仔盛，令到白羊仔白羊女年輕時梗係樣樣唔如意啦，不過好彩隨住年紀長大配合埋本身的努力，一般白羊去到中會順利晒，所以要數最苦盡甘來就非佢莫屬。

最睇落楚楚可憐星座－雙魚座

　　無論係雙魚座魚男定魚女，本身性格都屬於靠向柔和同軟弱，連講句說話都係陰聲細氣，再加上佢通常都有一對水汪汪的眼睛，所以成日會畀人一種楚楚可憐的感覺。

最令人生怕星座－獅子座

　　尤其係獅子女，成日都係嘈喧巴巴閉，唔單止鍾意話事，仲要係話晒事果隻！接受到咪覺得佢獨立囉！接受唔到咪覺得佢專權兼霸道囉！

最易頭痛星座－白羊座

白羊座掌管的人體部分係頭部，故此論損耗，白羊太陽的人頭部係最易受到傷害的地方，而且白羊人事事力求第一，用腦的時間亦比其他人多，容易誘發頭痛，所以白羊人係最易頭痛的星座。

最易疲倦星座－雙魚座

　　係人都知魚係生活響水入面，雙魚座都有呢個特性，習慣生活響水入面受到保護的魚仔，佢唔係咁受得陸地的壓力，所以成日都覺得身心疲累，所以要講最易倦就梗係佢啦！

最長命星座－山羊座

　　山羊座一向出晒名襟捱又襟撞，再加上本身天生一副銅皮鐵骨，意志力又驚人，所以無論係先天或者後天，山羊座都講得上係最長命的星座！

[ 本帖最後由雨子.oo. 於 2012-10-6 10:35 編輯 ]

歡迎光臨 ☆夜玥論壇×§ (http://ds-hk.net/)