☆夜玥論壇×§ - Powered by Discuz! Board

標題: [星座命理] 12星座有乜健康小貼士？ [打印本頁]

作者: 琦漾 時間: 2007-11-9 19:26 標題: 12星座有乜健康小貼士？

白羊座

白羊座掌管身體部分係頭部，來到呢個氣候交替的日子，白羊們最緊要要留的就係臉部同頭髮的護理，千祈咪偷懶，記得晚晚沖完涼都要好好搽均保濕乳，仲要得閒做下深層保濕呀！另外頭髮都要焗下油喎！

金牛座

金牛座掌管身體的部分係喉嚨，來到呢個時候就梗係要多d飲蜜糖水啦！本身金牛座人的喉嚨都係較易感患，所以除了要多d飲水之外，仲要記得保持頸部的溫暖，凍凍地就要戴返條頸巾仔保護下啦！

雙子座

雙子座掌管的身體部位係雙手和雙臂，響呢d又乾又開始凍的日子，就梗係要對症下藥好好護理一下身體的弱項啦！所以響呢個乾燥的日子裡面，各位雙子座朋友記得帶定枝hand lotion，去到邊搽到邊啦！

巨蟹座

巨蟹座掌管的身體部份係胸部和肺部，所以來到呢d乾燥的日子，各位巨蟹座就要好好保護下個肺啦！煲多d潤肺湯水，例如係羅漢果呀、海底椰呀咁，否則成日吸入太過乾的空氣，對個肺唔係太好！

獅子座

獅子座掌管的身體部分係心臟同脊骨，聽落好似來到呢d季節同佢又扯唔上乜關係，聽落好似係，不過話晒係心臟，當然應該係一年365日都要做好保養，所以各位獅子最好襯住呢個秋高氣爽的日子行下山做下帶氧運動。

處女座

處女座掌管的身體部分係腸同脾臟，來到呢d天氣轉變的季節，食多了應節食品，好似大閘蝦、打邊爐咁，腸胃就梗係有d唔多妥，再加上處女座人本身對周圍的環境較為敏感，所以記得注意調理下飲食喎！

天秤座

天秤座掌管的身體部分係腎臟，響氣候轉變的日子，各位天秤座就梗係要好好滋陰補腎啦！可以煲返個合桃芝麻糊食下，黑芝麻含有脂肪質、鈣質、磷質，有潤燥補腎的功效。

天蠍座

天蠍座掌管的身體部分係生殖系統，來到呢d天氣轉寒的日子，各位天蠍座都梗係要好好保護一下自己身體較孱弱的地方，尤其係天蠍女，唔好再亂飲凍野，記得唔好再露個肚出來凍親啦！

人馬座

人馬座掌管身體的部位係大腿同肝，基本上天氣轉變對於人馬座諸君來講傷害唔係太大，不過呢，都可以響呢個日子注意下健康，另外人馬女們記得唔好再著太短的裙仔以免凍親條腿啦！

山羊座

山羊座掌管的身體部分係皮膚同骨頭，所以來到呢個乾燥的季節，各位山羊座最緊要要做的就係皮膚的護理啦！記得唔好偷懶，除左臉部保濕之外，沖完涼之後一定要全身搽返層lotion至好呀！

水瓶座

水瓶座掌管的身體部位係小腿，響天氣慢慢轉寒的日子，雖然對水瓶座人唔係有太大的直接影響，不過大家都要好好做妥小腿的護理，沖完涼記得搽下cream，仲有唔好露晒出來小心冷親佢呀！

雙魚座

雙魚座掌管的身體部位係腳板底，天氣由熱轉凍，呢個時候各位魚仔就梗係好好保護自己對腳板，係時候收埋d涼鞋，拎返d密籠鞋出來著，不過各位魚女應節著boots時記得搵返對好著的，唔係小心著到生雞眼呀！

歡迎光臨 ☆夜玥論壇×§ (http://ds-hk.net/)