Board logo

標題: [靈異] 鬼府名牌服 [打印本頁]

作者: 暗影魂    時間: 2006-5-3 18:00     標題: 鬼府名牌服

我表哥自細好曳,試過將水彈掟落樓下,又試過屋企人叫佢掃地,佢將掃把掟落街,好彩冇人受傷。不過有一次我去佢屋企玩,見到佢成個人變得好乖,但係眼神就好呆滯,仲成日話屋企廁所有女鬼,聽姑媽講佢係鬼上身。我姑媽因為呢件事去問過米,又做過幾次法事,不過都好似冇乜效。

姑媽話:「問米婆話佢帶0左隻鬼返0黎屋企,隻鬼黐0左0係牆度,趕極都唔走!」

咁點解表哥無端端會帶0左隻鬼返屋企?

聽姑媽講,原來佢有次掟水彈落街,聽見有人大嗌,佢好開心咁想睇0下0個個人變成點,所以扮成路人咁落街睇,但係落到街,咩人都唔見,只係見到有件外套掛0左0係花槽上面。因為件衫好新,又係佢鍾意0既牌子,所以佢就帶0左返屋企。之後佢每次去廁所,都會見到有個女仔坐0係度抹頭髮。

我姑媽話想搬屋。個問米婆話:「你就算搬0左,佢都會跟住你0地。」

之後我姑媽搬0左幾次屋,表哥個病都冇咩好轉,但係個問米婆都講唔到有咩方法可以救到佢。

之後我姑媽去寺廟求助,有個法師同佢講:「我諗我可以幫到你,不過我要去你屋企先可以施到法!」

法師睇0左間屋之後,又入0左去廁所,仲掩埋門添。表哥企0係出邊,聽到法師0係度不停唸經,有時又好似同人講緊0野咁,留0左入邊足足超過三粒鐘先出返0黎。

過0左幾日,表哥0既病情終於都好返晒啦!但係0個排,我自己都俾呢單鬼上身事件嚇到晚晚訓唔著覺。而家同朋友出街,佢0地話地下有錢,就算係張五百蚊紙,我都唔敢執呀!
作者: Lu-cius    時間: 2012-9-23 14:55

始終是別人的東西……
就算不是……ghost,
也不可以隨便撿回家啊(很髒的





歡迎光臨 ☆夜玥論壇ק (http://ds-hk.net/) Powered by Discuz! 6.0.0