F - 分析型
頭腦清晰既你分析力超強，諗野理性、條理分明，會一步一步咁解決問題，而且能夠好快將有既資料歸納分析，好少受個人既情緒而影響決定。呢類人通常對數字同埋邏輯比較敏感，而且細眉細眼做野好小心，協調力強。好消息係有好多專業行業都需要呢種特質，例如會計、金融、工程師、醫生、核數、各種分析同埋研究人員等。壞消息就係有時太過理性，可能係同其他人處事，人際關係上面未必處理得好好，遇到同事有情緒方面既問題，你會感到不能理解，未必能夠容忍點解咁樣會影響工作。另外，一旦遇上需要創新或者溝通既工作，你都可能會一下子頭腦轉不過來。
or
H - 創業型
你嚮往無拘無束既生活，要你幫人地打工，你會覺得唔知自己做乜要花咁多時間幫人掙錢，感到非常不公平。而且通常你呢類人都幾富冒險精神，鍾意大膽嘗試，亦都幾有諗頭；所以如果資金各方面許可既話，其實創業做老闆對你黎講絕對係一條可行既道路。坊間有時亦都會有一D比人申請既創業基金，變相減低你一開始要投放既資金。但係要留意係諗同做係兩回事，單有概念同埋計劃書係唔夠既，而且每個行業係唔同時候都有唔同情況，記住唔可以一本通書睇到老，要經常保持敏感吸收新資訊，靈活應變，虛心學習，多D從顧客、員工既角度思考，咁樣先至有機會係瞬息萬變競爭激烈既市場中殺出一條血路。
我都覺得很重要!!! 同時也像我~~^^
