有毛o既蛋
雪櫃裡面有十隻蛋…
有一日，第一隻蛋唔小心偷望到第十隻蛋，佢見到第十隻蛋身上生滿哂毛，
咁第一隻蛋就同第二隻蛋講：「你睇下第十隻蛋呀，佢成身都係毛架！」
第二隻蛋就同第三隻蛋講：「你睇下第十隻蛋呀！佢成身都係毛架！好肉酸呀！」
第三隻蛋又同第四隻蛋講：「你睇下第十隻蛋呀！佢成身都係毛架！好肉酸呀！周身都係毛架佢…」
一直傳…傳到第九隻蛋，第九隻蛋就諗緊睇唔睇好呢？！
一望去後面就係架啦喎！…好多毛架喎！好肉酸架喎！究竟睇唔睇呢？
佢最後都決定左睇…第九隻蛋一睇…
第十隻蛋就同佢講：「啤咩呀啤？！望夠未呀？！我知你地班死蠢o係到講緊我架！o係度話我又多毛
又肉酸呀嘛！你地班死蠢！我唔係蛋黎架！我係奇異果黎架！」
燒左喇
有個人打算去遠行，於是就教個仔講：「如果有人黎問『令尊呢？』，你就話『佢有D事出左去，請
入去裡面飲杯茶』。」
由於佢個仔好蠢，佢唔放心，所以寫左o係張紙上面避免佢個仔唔記得。
佢個仔將張紙放左o係個衫袋度，不時拎出黎讀。
時間已過左三日，都冇人黎，阿仔心諗張紙條已經用唔著啦，於是就放火燒左佢。
第四日，突然有人客黎左喎！
人客問：「令尊呢？」
阿仔就o係個衫袋到周圍咁搵張紙條，不過都係搵唔到，
阿仔好慌張咁講：「唔o係度喇。」
人客聽完覺得好訝異，
就問：「幾時唔o係到架？」
阿仔答：「沉日燒左喇！」
