[簽到] 每日一簽(09/07/14)

簽到
今場對陣雙方都吸取咗尋日果場Brazil失利嘅教訓，后防打得相當穩健，對對方球隊嘅尖刀人物同球隊靈魂都嚴密防守，mark得好緊；後衛s之間互相補位，逼搶、落腳鏟搶都好果斷，同時又唔會輕率壓上俾對方空檔嚟快速反擊。雙方喺中、後場都打得相當有耐性，反复倒腳試圖拉開對方嘅防線；中場拼搶激烈，皆因雙方都集重兵於中場，打半場收縮防守。雖然雙方嘅前鋒表演機會都唔多，但埋門機會都有；而且雙方都充分利用咗兩翼，邊鋒嘅速度都相當快，有效拉開咗對方嘅防線。雙方嘅體力都相當好 （打足120分鐘都無人抽筋），腳下功夫到家，傳切配合到位（落雨之後當然有所影響） 。 Argentina嘅腳下功夫尤見細膩，而且打得相當有血性（傷咗兩件）。成場比賽打得相當精彩，呢啲先喺真正嘅高手對決！ 雙方嘅逼搶雖然凶狠，但基本對球唔對人，犯規難免，故意侵人傷害就無，值得嘉許 （係嚟打球，又唔係嚟打搏擊）！如無意外，今場嘅最佳球員應喺Argentina嘅goalkeeper