你的潛在性格
本文來自：☆夜玥論壇ק★http://ds-hk.net★ 轉帖請註明出處！ 發貼者：
藍酷言 您是第4047個瀏覽者
人總喜歡製造困難，將簡單嘅事複雜化，藉此挑戰自己。我哋自小就從失敗中學習，經過無數嘅失敗同挫折，過往嘅經驗除咗令我哋唔會再重蹈覆轍，更加形成咗每個人不同的性格。咁你嘅潛在性格係點呢？
嘗試幻想你係一個專門研究新種植物嘅著名科學家，你用咗幾年時間，透過唔少實驗去研究一種新種植物，今日，你嘅努力終於見到成果，你決定將呢１００粒種子種係寸草不生嘅沙漠。
Ｑ：一個月後，你認為有幾多粒種子能夠成功生長成小幼苗呢？
( ０∼１００顆 )
這個心理測驗中，你嘅答案正顯示出你是一個有沒有自信嘅人。科學家象徵自信心，乾旱嘅沙漠則象徵人生所面對既困難同挑戰，所以數字嘅大小同自信心成正比。
分析：
９９∼１００粒：過分自信
單單話你有自信心，並唔足以反映你嘅性格，「自負」應該係更適合你嘅形容詞。相信自己固然重要，但要小心被自信蒙蔽，令你活在幻想世界裡面，無法面對逆境同挑戰。得把口係冇用架！勇於改善自己嘅弱點，先至係勇者嘅表現。
８１∼９８粒：自信十足
你對自己嘅能力同才華充滿信心，雖然你自覺自己比其他人優越，不過，身邊嘅人並唔會覺得你乞人憎，因為你自信得來比較內斂，只係心裡面覺得自己勁，唔係咁鍾意認叻，咁樣反而令其他人覺得你實至名歸，爭住捧你做領袖。
６１∼８０粒：積極進取
謹慎嘅性格令你經常能夠實現理想，但你並唔會因此而自滿，反而更小心行事，盡量避免出錯。雖然你係一個積極嘅人，但每做一件事之前，你都會認真考慮每個可能性，然後先會落實行動，所以「失敗」二字很少會同你扯上關係。
４１∼６０粒：一時一樣
你屬於中規中矩嘅類型，既不是驕傲自大，亦非缺乏自信。面對熟悉嘅嘢，你會好積極咁去表現自己，相反，對於冇乜興趣研究嘅嘢，你就會粒聲唔出，得個睇字。或者你仍然未摸索到自己有乜嘢長處，所以變得有ｄ飄忽，性格亦顯得有點矛盾。
２１∼４０粒：肯定自己
你經常懷疑自己嘅能力，更喜歡將問題誇大，明明易如反掌嘅嘢，你係都要轉牛角尖將佢複雜化，結果做親乜嘢都失敗收場，搞到個人冇晒自信。你又好在意其他人對你嘅睇法，成日驚做錯嘢俾人笑，想遠離失敗首先就要肯定自己嘅能力。
１∼２０粒：不堪一擊
你算得上係一個積極進取嘅人，一有時間就會搵嘢學，因為惟有不斷增值先可以令你肯定自己、增加自信。不過，係學嘢過程中，少不免會遇到挫折同困難，令你嘅自信心大受打擊，好多時更因此而放棄，搞到學親乜都兩頭唔到岸。
０粒：弄巧反拙
表面上，你好似對自己毫無自信心；實際上，你係一個自信心爆棚嘅人，就係因為太有自信，所以你唔可以容忍失敗同錯誤，面對困難時，你更會緊張得手足無措，由於害怕失敗，有時你連嘗試嘅勇氣都冇，俾人一種缺乏自信嘅感覺。
[ 本帖最後由 lilyyu 於 2009-6-20 21:49 編輯 ]
