|
VIP
 
等級: 15 - 融會貫通
HP(生命值): 15 / 147
MP(魔力值): 2289 / 9913
EXP(經驗值): 72 %
|
1#
大 中
小 發表於 2007-7-13 16:32 顯示全部帖子
【轉貼】腰果解碼
本文來自：☆夜玥論壇ק★http://ds-hk.net★ 轉帖請註明出處！ 發貼者： 暗影魂 您是第1748個瀏覽者
腰果﹐大家都食得多喇。不過在腰果樹上的腰果﹐相信大部分人都未見過。就算見到﹐都一定估唔到係腰果。因為樹上的腰果﹐有一個好似蘋果咁大�H果肉﹐外國人直情叫做腰果 Apple﹐又多肉又多汁。我哋食啲腰果仁就係喺嗰個apple下面果實裏面啲果仁。 而每個果實都衹得一個果仁。
要攞粒腰果仁出嚟﹐而又要完整無爛﹐非常花功夫。首先要將果實蒸半個鐘﹐蒸到熟熟地﹐咁樣啲女工就用刀仔切開個殼時﹐就冇咁容易整碎粒果仁。切開個殼後﹐攞粒腰果仁去焗十個八個鐘﹐等到夠乾﹐再用人手將果仁外面啲皮批去﹐至有雪白�H果仁。
依家喺香港買到�H大部分係印度腰果﹐少量係中國大陸腰果。印度腰果佔世界市場一半左右﹐而其他產地有巴西﹐非洲﹐越南等﹐不過在香港不是主流。印度雖然盛產腰果﹐不過很多腰果並唔係印度原產﹐是由非洲運到印度加工後﹐再運出口�H。
腰果係國際性商品﹐價格每一分鐘都有變動。國際出口可分為二十多種級數﹐以形狀﹐大小﹐顏色來定級數。
香港海味雜貨鋪所賣主要是其中三至四個級數。分別為W180, W210, W240, W320等。W是代表英文 whole 的意思﹐即是完整一粒。180﹐210﹐240﹐320。這個數字代表每一磅腰果有幾多粒果仁。例如W320腰果﹐就是每磅腰果有320粒完整果仁。數字越小﹐腰果就越大粒。數字越大﹐腰果就越細粒。 海味鋪多數都是以大中細來代表級數﹐而唔會註明每磅�H粒數。一般來說﹐小的是W320﹐中的是W240﹐大的是W210。特大的是W180﹐不過W180都比較難揾到。海味鋪賣腰果價錢係以香港斤（16兩）計算�H。唔係以磅計算�H。一磅實際上係得12兩。各位可放心﹐正當�H海味鋪都係明碼實價﹐好少揾笨�H。 喺超市買�H樽裝或罐裝的腰果仁﹐多數係粒頭較細或破碎的﹐較低檔次。不過各位食素�H朋友要特別注意﹐市面上美國紳士牌透明樽裝的腰果仁﹐花生仁﹐葵子仁標籤上註明有gelatin成份﹐即是有骨膠或明膠成份。但係同一牌子罐裝的果仁就沒註明。請大家留意﹐如果唔係﹐新年流流﹐打爛個齋缽就唔係幾 happy 啦。 鹽焗果仁用gelatin的原因是用來黏實啲鹽同調味料在果仁上面﹐否則啲鹽好容易脫落﹐變成唔夠味﹐又唔好睇。大家如果唔信可以試吓﹐自己用啲鹽嚟撈落啲焗好�H花生或果仁上面﹐睇吓自己啲花生有冇好似人哋紳士牌嗰啲賣相咁靚﹐啲鹽同調味料 coat 得咁硬凈。
|
