我差唔多每次黎大多數都會痛，
雖然我知道唔好食咁多凍或刺激性食物，
但真係忍唔到口，但如果忍到口，再加上做運動既話，
我想黎個陣應該不會太痛，但真係有心無力。
有人話飲熱朱古力奶有效，我試過，
飲左2淡，就更加想死想嘔，汗係咁流，結果要早退。
之前做野個度，有人話平常飲玫瑰花茶，
黎個陣會冇咁痛喎，但唔知真定假啦，
但經期黎緊個陣唔好飲，如果唔係會黎好多喎。
我亦都有聽講過話，如果破左處女膜，就唔會痛，呢個係騙人的說 =///=
我媽都有講過話，生完唔會痛，但我覺得都係騙人，
因為我有時會見到我媽訓起張床 =凸=
對我黎講，經痛最有效方法係，訓起張床，貼住暖貼或暖袋睡一覺。
經痛藥，我都有食過，但唔想每次痛就食，我怕遲d咩止痛藥都止唔到 =……=
所以依家唔係好重要既話，大多數都係忍，之前返工個時，
又唔可以走，因為唔夠人，痛到又想死，於是問同事借黎食，
但每次黎個陣，胃口都細左 *V* 好事，但之後又大返 >A<
[ 本帖最後由 酷bb 於 2013-3-6 01:10 編輯 ]
