有咩星座會為愛瘋狂？【已閱至#2】
本文來自：☆夜玥論壇ק★http://ds-hk.net★ 轉帖請註明出處！ 發貼者：
鼠尾草 您是第835個瀏覽者
白羊座
白羊座撞到心儀的人佢團愛火會烘一聲燒得勁猛火！而且佢仲會心口印個勇字向對方展開猛烈招架唔住的追求攻勢！唔理對方反應係點，唔理其他人的勸諫，佢都會單導向全力進攻，不過佢的持久力就認真麻麻地，可能響追追下的期間已經又睇中第二個，雖然佢心入面對第一個仲有d耿耿於懷！
金牛座
金牛座響戀愛生活上有d死心眼，由佢投入同離開一份感情都需要一段好長的時間，而且又重視感情，一旦鍾意某個人佢會變得有d義無反顧，日常生活咩情緒都會畀呢個人拉扯住，無論最後同呢個人的發展會係點，金牛座每一段感情起碼都要消磨好幾年時間！
雙子座
雙子座份人睇感情係一場遊戲，唔係話佢對感情唔認真，而係話佢談戀愛時都要好玩同新鮮，所以比起金牛座，雙子座用情就冇咁深啦！佢會突然好鬼迷戀一個人，明明唔好佢都會覺得個對象好好；不過話唔定唔知幾時佢又會撞到第2個佢覺得好正的對象，轉下頭就將舊的忘得乾乾淨淨！
巨蟹座
巨蟹座份人好講安全感同回報，佢可能會因為較為現實的原因而鍾意一個人，例如對方有錢、心地善良之類，只要睇中佢亦都唔介意兼毫無猶豫主動出擊追人，不過當佢付出一輪而唔覺有咩回的時候呢，佢的安全感自衛警報就會響起，自動棄權，唔會作出冇回報的投資！
獅子座
獅子座係個唔談戀愛就會死的星座，而且佢對戀愛有自己獨特的一套系統，佢會出盡法寶去追呢個人，不過一旦對方明示暗示唔接受佢，佢又會好快將呢份情轉變成紅顏知己契哥契妹的關係，一方面另起爐灶搵其他對象，一方面暗地裡又同呢位紅顏契哥暗暗浪漫！
處女座
處女座一旦睇中某個人，佢會好沉迷呢段關係，會成日將自己同呢個人之間發生的事浪漫化，而且就算人家對佢冇意思佢都會認為對方都係對自己有意思，佢會沉醉響呢段感情裡面好多年，但係佢又分得好清咩係現實，佢一方面繼續沉醉幻想，另一方面又會搵個實際d的人拍拖！
天秤座
天秤座鍾意得一個人會好希望可以同對方開花結果，就算果個人唔理佢又或者對佢唔多好，佢都會難以自拔唔係咁捨得放手！都唔知係好彩定唔好彩，無論男女的天秤都會好容易唔覺意又鍾意其他人，好多天秤座會同時有一個以上的暗戀對象，就係咁響壓力分散下反而係件好事！
天蠍座
天蠍座響感情上出晒名係一級死心眼！佢鍾意得一個人無論對方點諗都好佢唔會咁易放棄，唔理對方理唔理佢，佢都會瘋狂咁追求！平日響其他方面佢不知幾醒目兼冷靜，唯一係講到談戀愛就真係冇晒辦法，所以不分男女的天蠍座會係屬於高危份子！
人馬座
人馬座對戀愛的態度係有d難以理解，佢同其他星座唔同，佢絕對唔會好瘋狂咁鍾意一個人，就算佢有幾鍾意有幾欣賞，一旦佢覺得自己付出過而對方唔接受；又或者佢衡量過形勢輸比贏面大時，佢都會刻意隱藏起呢份情，得閒發下白日夢算數，係一個要面唔要愛情的星座！
山羊座
你咪以為一向老實的山羊座唔會為愛瘋狂喎！佢談戀愛的情況就好似d股民抽新股咁，如果隻新股講明長線短線都包賺，佢絕對唔會放棄，就算有幾艱辛佢都要抽到為止！就正如對象對佢有好多好處佢亦都搬出佢的驚人耐力追求，對佢談戀愛就等於做工一樣！
水瓶座
出人意表，呢位對人總係有d冷漠的水瓶座，一旦鍾意得一個人時其實係出乎意料咁長情，尤其係追極都追唔到果d！佢唔會好刻意表現得好深情專一，好緊張對方，甚至乎把口猛叫其他人介紹對象，不過講到尾，響佢個心入面都係等緊果段情有冇機會！
雙魚座
響某種意義上呢，雙魚座係用情好專一，鍾意得一個人佢會全心全力希望可以同對方有發展機會，甚至唔多理對方有另一半，佢唔介意拉拉鋸鋸好耐，不過只要一旦畀佢發現原來自己係完全冇贏面的話，佢又咁橋識到第2個，佢會毫無猶豫地換畫！好鬼心水清！
[ 本帖最後由 雨子.oo. 於 2012-10-5 23:06 編輯 ]
