雪櫃辦公室保濕大法~
本文來自：☆夜玥論壇ק★http://ds-hk.net★ 轉帖請註明出處！ 發貼者：
藍月女王 您是第780個瀏覽者
每日留得最耐嘅地方，除了屋企之外，就係office！
唔知點解，好多辦公室嘅冷氣都開到超凍，但最抵死就係中央冷氣嗰隻，有啲位凍到死，有啲位就熱到要開風扇。
我就曾經坐過個「凍死位」，調高溫度之後有同事熱到大汗疊細汗，想較細啲都唔得！
你知啦，一到秋冬季，乾巴巴的感覺早已籠罩全身，返到office，仲要被好似雪櫃咁凍嘅冷氣抽乾水分！
好似友人E話齋：「天氣凍已經夠乾，冷氣凍就乾上加乾，好多時喺office真係想撻塊mask上面呀！」
唔係嚇你，開冷氣後的溫度每低5度，濕度就會減少20%。
不過，喺office又點敷mask呢？所以，梗要諗諗計：
1. 使用迷你加濕器
而家好多人都會喺辦公室使用迷你加濕器來增加周邊的濕度！
因為它會將水霧化，噴出水蒸氣，咁你就唔使再乾到叫救命啦！
2. 必備眼臉補濕孖寶
我每天都會化妝返工，所以一定要挑選一些化妝後也能塗抹的護膚品！
雖然咁樣會令面上嘅妝容甩咗一半，不過為咗幫皮膚補補濕，最多之後補返妝囉！總好過乾爭爭嘛！
3. 使用保濕噴霧
好多人話保濕噴霧越噴越乾，也許你不知道噴上保濕噴霧後，是需要用手輕輕拍至吸收啊。
又或者，噴完等大概10秒，再用面紙印一印。如果你噴上後不理會它，就會越噴越乾啦！
4. 擺放一杯水
由於冷氣會抽乾水分，所以你除了要多飲水之外，
不妨在桌上擺放一杯水提升室內的濕度，咁就可以減低乾燥之感啦！
轉自: CosmoGIRL!
[ 本帖最後由 藍月女王 於 2014-1-1 18:03 編輯 ]
