十二星座誰會坐貴價A360?
空中巨巴A380開始交貨啦！頭班機機票傳說話響網上炒到熊熊聲，已經做得一個普通打工仔成年人工，咁12星座邊D會走去投張咁貴的機票呢？
白羊座
咩都要快過人叻過人勁過人，永遠走響時化尖端的白羊友，遇著呢個千載難逢的機會，話佢要面又好話佢貪新鮮又好，就算點貴佢都梗係要試下啦！所以只要響佢能力範圍可以的情況低下，相信佢都唔會放過呢次首航成為座上客的機會！
金牛座
一向識歎識食的金牛友，聽到呢間巨巴有幾好坐又幾多消閒娛樂有幾好，佢當然心郁郁想試啦！不過金牛友為人忠旨係一向駛錢要駛得其所，剩係一程短短的路程就要駛佢咁多錢，按道理佢一定睬你都傻！除非係佢個至愛叫到就冇辦法啦！
雙子座
雙子座一向出晒名貪新鮮鍾意試新事物，哇！有架咁勁的飛機按道理係人都以為佢梗係想試啦！但係又唔係個個雙子座都會咁諗，分別在於對雙子友來講，只要有生之年畀一次機會佢坐下呢間巨巴就得，駛咁多錢？佢會覺得拎去食或者玩好過！
巨蟹座
巨蟹友不嬲唔鍾意亂駛錢，而且仲好識賺錢，響呢件事件度，反而似係做放上網賣果個角色，多過似會響網上度投買喎！
獅子座
獅子友一向要威要面，呢個航空界以至全球都咁難得兼可以大出風頭的機會，對佢來講又點可以錯過呢！再加上佢天生就係冇乜錢銀觀念，對銀碼完全係完全麻木，所以張機票炒到幾錢先投到對佢來講係冇意義的，只要能力可以一定要搭！
處女座
天生精打細算，唔鍾意亂駛一分一毫的處女友，絕對冇可能投張咁貴的機票！除非佢已經計過度過可以響間飛機度賺返，例如幫雜誌寫坐後感受之類，又或者傾向以其他另類手段搭到呢班機；如果萬一你認識一個處女友肯無端端投張貴票坐的，咁你就要關心佢多D啦！
天秤座
如果天秤友會肯駛咁多錢投一張咁貴的機票坐，只有一個可能性，就係！佢認識的所有人都有買到機票亦會同時坐呢班機，而佢為了可以同大家睇齊響迫不已的情況下佢幾貴都一定要同大家一齊搭！
天蠍座
天蠍友同巨蟹友情況相似，佢點會咁貴駛埋呢D冇價值冇乜特別意義的錢，而且佢古古惑惑，點睇都係似諗出呢個賺錢機會的人多D喎！
人馬座
人馬友都有舖貪過癮的癮，叫佢咁貴捧舊錢出來投機票又唔係冇可能喎！但係呢，對佢來講有得坐A380固然之係緊要，但係更加要考慮的係架飛機會響邊個國家降落，搭飛機都係想去旅行咋！
山羊座
關鍵在於響呢次事件上有咩得著，如果係老細叫到，又或者知道上面有好多發圍機會佢就貴一貴都一定會投返張！唔好忘記山羊友做每一件事都會諗埋下幾步棋！
水瓶座
喜愛新科技的水瓶友對呢間巨巴多多少少都有興趣，而且佢有興趣的事物呢，又唔會太拘泥響價錢上面喎！不過！水瓶友的舉動行為始終難以作出預測，所以到底佢會唔會上網投機票呢？相信連佢自己都答唔到你！
雙魚座
一定會！一定會！基本上只要呢個雙魚友的其他星座組合(指月亮、水星、金星等)係冇金牛同處女，可以答你十具其九佢誓要搭到呢班機！仲要係講到4圍都知道果隻！其實佢咁糊塗，可能佢未必會留意到原來張機票係咁貴……
處女座
天生精打細算，唔鍾意亂駛一分一毫的處女友，絕對冇可能投張咁貴的機票！除非佢已經計過度過可以響間飛機度賺返，例如幫雜誌寫坐後感受之類，又或者傾向以其他另類手段搭到呢班機；如果萬一你認識一個處女友肯無端端投張貴票坐的，咁你就要關心佢多D啦！
