測試你的應變能力
有一日，你著住對新買的靚靚高跟鞋，準備出席一個重要約會，當你正在好優雅地在街上走着時，卻突然踏中路邊的「地雷」，此刻你除了大叫「Ｏｈ ｍｙ ｇｏｄ ！」外，還會有甚麼解決方法？
Ａ、死都要搵撻草地擦鞋底
Ｂ、站在路邊用紙巾努力擦擦擦
Ｃ、除鞋赤足找水源清洗
Ｄ、即刻走去鞋店買過對新鞋
分析：
Ａ、死都要搵撻草地擦鞋底
Ａ．應變能力：１分
你份好鬼固執，小時候阿媽教過你用鞋底擦草地「掃雷」，估不到你在長大後仍然一成不變。但你又有沒有想過，你正身處石屎森林─香港，哪會這麼容易搵到草地？記住一本通書不能讀到老啊！
Ｂ、站在路邊用紙巾努力擦擦擦
Ｂ．應變能力：２分
想法較「大路」，因你會用最直接的方法去解決問題。但其實紙巾咁薄，始終有擦爛的危機，一下唔小心仲會整污糟手指，所以有時最直接的並不等於最佳。
Ｃ、除鞋赤足找水源清洗
Ｃ．應變能力：３分
搵水清洗點都易過搵草地，而用水洗亦係最徹底；這證明你不會在意用甚麼方法，只要能快速地解決問題就行。但著得咁靚卻忽然赤足走路，顯示你份人夠晒自我，做事不理會別人目光，因此亦有人會覺得你很「騎呢」。
Ｄ、即刻走去鞋店買過對新鞋
Ｄ．應變能力：４分
諗都唔諗就決定買過對鞋「一了百了」，除了要讚你天生轉數高之外，也要讚你夠晒豪氣。不過記得唔好著住對臭鞋入鞋舖呀！否則會遭人白眼的。
