１２星座的同學
本文來自：☆夜玥論壇ק★http://ds-hk.net★ 轉帖請註明出處！ 發貼者：
霜色糖果 您是第522個瀏覽者
★白羊座
∼ 通常好相處，但個人英雄主義
白羊座同學通常都好好人，佢哋好鍾意參加各種活動，任何場合都少不了他。此外，樂於舉辦各種聚會，就算新同學加入，都很快打成一片。只要有他在場，就會充滿刺激快樂。白羊座好強，個人英雄主義，喜歡突出自我，在學校中難免有點刺眼。不過樂觀進取的精神的確可以有激勵士氣作用，特別遇到困難時，他會毫不考慮迎接挑戰，同學也會在不知不覺中受到他的影嚮而活躍起來。
★金牛座
∼ 個性溫和，但始終是牛
同金牛座的同學相處，要記得雖然他們很溫和，但骨子裡始終是牛，所以你千其唔好得罪佢，每件事都要慢慢同佢講，最好以理服人，態度唔好太強硬，雖然佢哋係牛，但係都會講道理，萬一激嬲佢就冇彎轉啦！如果你得罪佢，最好就老實道歉。不過幸好金牛座的人個性比較穩重，所以不會表現得太有敵意或故意整死人，所以威脅性也比較低。另外，佢哋的數學都唔錯，可以向佢哋請教。
★雙子座
∼ 雖然好相處，但善變難測
雙子座的同學雖然好平易近人，但是亦都好善變難測，可能呢頭係度大講笑話，轉個頭就變成一副死魚樣。不過佢哋基本上非常冷靜，係理智多於情緒的人，加上佢哋多心，成日都口唔停，手唔停，坐係佢隔離就認真慘，一定要忍得口，唔係都好易俾老師見到你哋傾計而罰你抄書，甚至罰你留堂。
★巨蟹座
∼ 親切溫和，有媽媽的味道
巨蟹座的同學通常都很親切溫和，好鍾意照顧人，只要你係佢面前扮下可憐，佢就會借功課比你抄。佢哋好鍾意係學校裡營造家的感覺，關心別人也需要別人的關心，在和諧的氣氛裡會增加學習興趣。另外，佢哋都幾怕醜架，如果唔係太主動同佢傾計，佢唔會太睬你，但係一熟悉之後，你就會好似多咗一個媽媽，因為佢哋成日都好關心你。
★獅子座
∼ 正經同玩都一樣在行的高人
獅子座的同學個性非常開朗、熱情，外表打扮得非常光鮮，而且好鍾意同人打交道，愛開玩笑，愛湊熱鬧，不管和誰都混得很熟。因為佢哋天生係領導者，所以好多同學都會以佢哋為大阿哥，大家姐，亦唔會記仇或者暗算人。另外，佢哋好愛面子，所以都會好勤力讀書，爭取第一名，以獲取同學對佢的擁戴。
★處女座
∼ 謹慎冷靜，個性保守
處女座的同學最大的優點就是謹慎冷靜，凡事都會處理得好完美。係課室裡面會好專心聽老師講書，好少和同學傾計。佢哋理解力很強，而且樂於助人，所以和他們相處相當容易的。佢哋好鍾意清潔，甚至有潔癖，如果你坐係佢隔離，一定要好整齊清潔，你搞到所有嘢好污糟，佢一定會好嬲你。
★天秤座
∼ 處事圓滑，猶豫不決
天秤座同學很友善，亦好風趣，喜歡在氣氛和諧的學習環境裡讀書。佢哋言談舉止都好斯文優雅，校服亦很整齊清潔，讓人一睇就好有好感。佢哋係課室裡係最好相處的人，因為他們待人處事非常圓滑，不但自己很少招惹別人，更擅長協調同學之間的爭端。同佢哋坐，上課時千其唔好同佢傾計，唔係一發不可收拾，會俾老師罰。
★天蠍座
∼ 內心充滿熱情，不難相處
天蠍座同學平時睇起來安靜，不愛說話，不愛交際，好似對任何人都冇興趣。其實佢哋一點也不冷漠，對於沒有深交的人都會保持一段安全距離。佢哋內心係充滿熱情的，只是平常掩飾得很好而已，一旦誰能爭取到佢哋的信任，就能得到他們全心全意的支持。只要瞭解並尊重彼此不同的性格，天蠍同學並不是難以相處的人。
★人馬座
∼ 用樂觀心態面對人
人馬座同學的優點是熱情開朗，知識豐富，總是用樂觀的心態來面對人與事，坐隔離的同學就最易感染到輕鬆的心情。佢哋對於所有事物都有強烈的好奇心，尤其是新同學，佢哋會第一時間去結識，而且好多說話，天南地北，無所不談。另外佢哋比較即興，認真的時候可以好認真，玩的時候亦可以玩到好癲。
★山羊座
∼ 認真讀書，渾身光采
山羊座同學基本上是誠實可靠，責任心很強的人。基本上，山羊同學剛開始會跟你保持一定距離，一旦深交後，你們將可成為彼此的鼓勵，一起努力讀書的好拍檔，不過，對愛玩的風象星座而言，山羊同學可能令人感到有些乏味。
★水瓶座
∼ 語不驚人死不休，打扮作風異於常人
水瓶座同學的特徵就是語不驚人死不休，打扮和作風同樣異於常人，視學校規則如無物，因為佢哋思想比較前衛，打扮亦比較新潮，通常染髮，標奇立異就係佢哋。佢哋有時都好情緒化，如果佢鍾意你，會對你好好，好照顧你，相反就會唔睬你。佢哋唔能夠承受功課壓力，遇到壓力就會反抗。不過佢哋最大的毛病還是拖延，所以成日都唔交功課。
★雙魚座
∼ 創意有變化，充滿幹勁
個性溫和的雙魚同學是幾好相處的人，他們很有幽默感，為人大方，不太會拒絕別人，而且包容力很大，能夠接受別人的缺點，也不會試圖要別人遷就自己。他們可以和別人相處得很好，但有時也喜歡自己獨處，雖然比較情緒化，但好少打攪別人，佢哋好為得人，如果你係佢面前扮下可憐，佢會幫你做埋功課添。
