二手車有好布唔好,好在平同唔使再整呢樣整個樣,但係..........今日我搵到唔好既地方..............................

阿強的哥哥西瓜最近以一萬五千元購入一架97年的三菱房車。車子性能良好﹐保養得宜﹐大家都說西瓜 [ 執到寶 ]。

西瓜取車後﹐立即相約弟弟阿強及死黨鞏爵去兜風。
三個男人相約到石澳吃泰國菜。由於西瓜駕駛技術不錯﹐所以經過迂迴的路時亦顯得靈活非常。
鞏爵說﹕[西瓜﹐睇到你渣得咁死形﹐搞到我都想學車添 ]
[係呀鞏爵﹐考翻個牌整翻架車﹐好似我咁溝條女都方便D嘛...話去飛鵝山就去飛鵝山 ...]西瓜騎騎笑道。
[阿哥呀,你...好似結左婚個lor喎...]坐於後座的阿強插嘴道 。
[阿細佬,大人講野細路仔唔好插嘴 ... ]西瓜說
[咪係...你搞惦自己果筆先啦﹐咁大個人女仔都未惦過 ...]鞏爵接口說

這時阿強好像被點中死穴一樣,即時扯高嗓子大聲叫道﹕
[咩....咩呀\_/"?如果我要o既話,起碼都有十個八個女仔肯拜到我牛仔褲下呀﹗﹗]
西瓜﹕[係呀係呀﹐十個嘛﹐左邊5個右邊5個﹐加埋十個姑娘仔嘛...]
鞏爵﹕[係lor係lor,唔夠o既話仲有穿叔果批紙上名模啊可...)]
也許這類題材永遠是男人的共同話題﹐故三人即時大笑。

到了石澳﹐三人大吃大喝直至晚上九時才離去。回程時﹐依然是鞏爵坐在西瓜隔鄰﹐阿強側一個人坐於後排。石澳的路很靜﹐樹影燈影陰陰森森。
鞏爵說﹕[夜晚響呢類地方渣車好似有D恐怖咁 ]
西瓜搖搖頭﹕[我覺得只要有集中力﹐唔論咩地方/朝早及夜晚都冇咩分別 ... ]
[不過你睇﹐4圍黑蚊蚊陰陰森森咁....~~~~~ ] 鞏爵說罷即打了一個冷陣。
[爵爵﹐你牛高馬大竟然講d咁野﹖真係同你唔襯喎...] 阿強幫自己哥哥補串道。
[你上次掛住響更亭睇龍X豹冇上5樓就緊係唔知呢D野o既恐怖啦...] 鞏爵分辯
[下﹖咩話﹖睇X虎豹﹖唔係cheap成咁嘛﹖你咪同人講你係我細佬添呀﹗] 西瓜語畢﹐隨即把一隻手伸進坐位的暗格,取出一本美國版的[頂樓]雜誌出來,並將其拋到後坐﹐說﹕
[痴孖筋﹗要睇就睇呢D,呢D先有品味架嘛]

阿強隨即雙眼發光如穫至寶般,立刻扭開車頂的電燈並飛快地打開翻閱﹐期間更不斷將雜誌打橫打直地以不同角度及距離欣賞。
[好大佬。。。有呢D大佬係我o既福氣 T__T ]
[一世人兩兄弟﹐唔好講埋D衰野 ]
鞏爵實在不知以什麼表情及說話去回應眼前這對好兄弟的情宜﹐只是沒好氣地把視線移向車外的風景。

當車子駛至赤柱馬坑監獄附近﹐阿強又正看得如痴如醉時﹐突然覺得風大﹐於是想伸手去把車窗搞上﹐但這時他卻發現右邊玻璃窗外有個白影飄近。他嚇了一跳﹐以為自己因為長時間於車內看書而引致眼花。急忙拭擦眼睛﹐再定神一看﹐就嚇得冒冷汗。對方真是一個長髮女子﹐並滿臉鮮血緊緊地盯著自己。

阿強想對西瓜及鞏爵大喊﹐可是喉嚨好像被人捏住一樣﹐什麼話也說不出來﹐只能斷續及隱約地叫出﹕[大..............................大呀......大..............]
鞏爵及西瓜並未特別留意阿強那個大字的意思,以為這個大字只是他對書中圖片的驚嘆反應,沒想到他其實是想叫 [ 大佬﹗﹗﹗]

女鬼的頭貼緊在玻璃窗上﹐老天﹗他臉上全是血。血一滴滴地流下來黏在窗上。她突然把手從窗口的縫中探入﹐並往阿強臉上摸了一下...阿強隨即嚇至臉色發青幾乎暈倒。

幸好這個時候西瓜突然說﹕[喂~阿強﹗﹗你冇咩下哇﹖]
女鬼頃刻間消失了﹐阿強的喉嚨也沒有了被捏著的感覺。即時氣喘連連一副驚魂未定的樣子。一時間講不出任何說話。
鞏爵打趣說﹕[嘩你條友唔係青成咁下哇﹖睇果幾頁野就心藏病咁款標晒汗扯晒蝦﹖﹖]
西瓜續說﹕[衰仔﹐你慶還慶﹐不過咪響我架車度練鎗法喎 ... ]
阿強擺擺手回答﹕[ 快...快快快...快D出市區~~~~~快~~~~~~~~]

出到市區後﹐看見熱鬧的人群﹐阿強才肯定下神來說﹕[頭先我撞野呀﹗ ]
[撞野﹖﹖﹖] 西瓜和鞏爵嚇了一跳。
於是阿強將剛才看見女鬼一事和盤託出﹕[大佬....呢架二手車有D邪呀...]
西瓜皺起眉頭﹕[會唔會係你睇咸書睇到眼花呀﹖]
[絕對唔係﹗頭先我亦冇飲過酒所以頭腦亦清醒....只係見到D唔應該見o既野.../_\"]
鞏爵問西瓜﹕[話時話﹐你有冇check過上手車主o既事先﹖]
[冇﹗]西瓜答﹐[我要o既係車﹐又唔係要人﹐問長問短把呀﹖]
[咁點解唔問下je﹖用萬零蚊就可以買到一架咁o既二手車﹐你唔覺得奇怪o既咩﹖]鞏爵質問。
[唔覺得﹗不過家下就有打算去問。]西瓜抓著頭皮答。

翌日﹐西瓜果然坐言起行﹐立即找上手車主菲獵問。起初菲獵不肯說什麼﹐不過當西瓜提到阿強昨夜撞鬼一事﹐菲獵即嚇了一跳﹐說﹕
[我曾經將架車借比朋友﹐點知發生交通意外﹐果時咁M有個女人過馬路﹐就咁被我朋友撞死... ]

現在西瓜終於相信阿強的說話﹐並打算儘快把車子出售﹐以免夜長夢多。
鞏爵問﹕[咁你會唔會將架車撞死過人o既野話比新買家聽﹖]
西瓜答﹕[你話呢﹖]
阿強插口道﹕[緊係唔好啦﹗]
西瓜不懷好意陰陰笑地說﹕[等下手車主試下呢D刺激野都好....哼哼 ]
鞏爵實在不知如何對眼前這對[好兄弟]作出回應...

下一回的車主﹐可會是你﹖

絕對不會買二手車><