[星座命理] 男女失衡之1

白羊男

　　唔能夠話白羊男唔花心，因為佢男性荷爾蒙過盛令到佢身不由己去「征服」其他女性，不過講到尾佢點玩都識分「莊閒」，要同你分手都係因為頂你唔住，唔想畀佢飛就要留意千祈咪潑婦罵街同響佢面前多咀兼串咀，最緊要係賢良淑德啊！


金牛男

　　金牛男出晒名專一兼長情（其實係懶得換畫），如果咁都畀佢飛，你就真係要好好檢討下啦！金牛男最怕長舌婦，仲要係鍾意響朋友面前玩奚落果隻，就算話係講下笑佢都唔係咁識得欣賞；另外太大駛亦都係另一個致命傷，佢只認同「應駛得駛」。


雙子男

　　單由表面上睇，雙子男都算係個可愛的男友，風趣幽默同佢一齊永冇冷場，慘就慘在佢對你要求都係要永冇冷場，如果你以為拍緊拖唔駛攪咁多新意思，仲要成日同佢講住邊度大減價邊度買米平兩蚊，一Ｄ都唔有型，哼！真係飛硬呀！


巨蟹男

　　之所以會畀巨蟹男飛，原因有３大點：１）唔尊重佢：如果你對住佢大吼大叫，佢會好反感；２）巨蟹男好講安全感，如果你太過打亂佢本身的生活會引起佢非常不滿，尤其係佢Ｄ錢！３）係攪唔掂佢阿媽，你唔鍾意或者佢阿媽唔鍾意你都唔駛傾。


獅子男

　　身為國王的獅子男之所以會飛你莫過於係認為你唔配做王后的身分，死因通常係你「多疑」、「囉唆」同埋「踐踏佢的尊嚴」，如果你自問冇犯以上情況，另一個致命傷就係你身邊好多男人兜兜轉，有嚴重佔有慾傾向的獅子男係會先下手為強！


處女男

　　佢同金牛男有一個共通之處，就係對感情都係慢熱派，佢唔會一見鍾情，而係慢慢觀察，睇到合晒心水先會同你一齊，所以嚴重到要飛甩你，你一定係衰∼背叛佢！因為處女男絕對唔會容忍到你變心，就算唔係即時分手，佢搵到第二個都係會走！


天秤男

　　老實講天秤男對女朋友確實一流，管接管送不特止，禮物呀、花呀就梗係唔少得啦！不過同樣地好容易縱壞晒，攪到你越來越易發爛渣，要留意過分得滯會令天秤男內心失去平衡，忍忍忍直到一日佢個天秤折斷，咁你就會畀佢叮走！


天蠍男

　　雖然話天蠍男佔有欲好強兼愛恨分明，你咪以為有第３者就實畀佢飛硬，相對比起你變得冇以前咁索先係致命傷；你有第３者佢只會努力令你冇好日子過（包括要你內疚、日日嘮叨住），但係萬一你跌watt冇以前咁好，關係又悶就真係死硬呀！


人馬男

　　雖然基本上人馬男係一個不太拘小節的人，不過呢講到佢Ｄ理想呀、人生目標呀就唔係咁方便拎出來講笑，就算響你眼中係幾咁幼稚都好，千祈咪潑佢冷水，更加唔好響佢衰左之後講埋Ｄ風涼話，潑冷水同風涼話係佢至討厭同最憎！飛硬！


山羊男

　　講到山羊男呢，就可能無辜Ｄ，因為基本上山羊男對伴侶意識係「一齊生活對自己有利的人」，所以一旦佢發覺你對佢冇乜幫助再加上響佢身邊出現另一個「可以一齊生活而又對自己有利的人」出現，咁樣，你呢位舊人就即時被OUT！


水瓶男

　　基本上水瓶男係一個非常咁忠實的情人，不過如果你變得成個俗氣的３姑６婆咁，又或者你唔識得欣賞佢交朋結友的態度，再配合你諗住玩激將法，咁就大件事，你會畀水瓶男狠狠咁飛甩，仲要係走果陣頭都唔回一下果隻添！


雙魚男

　　同人馬男一樣，呢條魚仔都係有好夢想；亦都同人馬男一樣佢唔係咁受得畀人拮穿佢個夢，所以響佢面前千祈咪取笑佢，不過呢個行為頂籠都係令佢覺得你好衰，要講到真係足以同你分手的行為都係屬於睇佢唔起，同拎佢同第二個男人比較，飛硬！