邊種人最鍾意睇相?
本文來自：☆夜玥論壇ק★http://ds-hk.net★ 轉帖請註明出處！ 發貼者：
monicamok24 您是第338個瀏覽者
好多人都鍾意拜神、問卜兼求籤，再唔係，俾多少少錢，起個全世界絕對私有的個人命盤有點話，但話時話，你估邊個星座最神心，係又問，唔係又問，硬係鍾意叫人指點迷津，等神婆寶寶諗諗先……，唔……，原來係……你！
第一位：水瓶座
你會發現身邊的水瓶人無時無刻不是在玩心理測驗，就是在討論那個睇相佬最準，講到尾，全因為你太鍾意尋找生命的奧秘，但個人能力有限，所以常常都希望有人能幫你解開謎底，睇相當然係最好方法！
第二位：天蠍座
凡是有關神秘的事物，一定會有天蠍人份，所以占卜呢家，點少得你份！你一係唔做，一做必做全套。好似求個平安符，硬係要人開埋光，咁先至算禮成！占卜對你來說，視之為應該重視的學科，所以在你面前，千祈唔好亂彈神秘學，死硬！
第三位：雙魚座
愛幻想的你，成日都發夢自己將來會做港姐定高官，諗到頭都爆之際，占一占就可以化解你好多憂慮！順帶一提，就算你唔信星座，你都會信其中一種宗教，無他都係呢一句，搵人點醒下你嘛！
第四位：巨蟹座
巨蟹人出名多憂慮，多得來又唔只憂自己，仲要憂埋屋企人，身邊人，朋友……等等，總之一問卜，一定唔只問自己，你話呢份愛幾偉大，而佢咁鍾意占卜，全基於佢絕對缺乏安全惑之故，所以信多點自己，一定可以慳回不少睇相錢！
第五位：處女座
唔好以為現實到無論的處女人唔鍾意占卜，相反你都唔知幾鍾意問，不過就問得細細聲，唔俾人知，佢咁鍾意占，其實係因為你份人真係現實，現實到要Plan定邊年做咩，邊年做物，所以占卜慳你唔少功夫！
第六位：山羊座
唔好以為一定要坐在睇相佬面前問才算是神童，好似山羊人，就是偷偷問卜的神秘型！其實你絕對相信命運呢科，但係就會自己去尋根問底，而且唔一定係信人，有時水晶或者戴咩會轉運反而更合你心意！
第七位：天秤座
你份人太過猶豫不決，所以占卜會係一個好好的指點迷津方法，對生命你又好好奇，成日想知點解我會咁而唔會咁，問人一定話你煩，所以問神最好！小事或者你會自行煩一煩，但一遇到大問題，信我，你一定會走去求神問卜！
第八位：白羊座
睇相呢家好奇怪，有人開口埋口同人講佢信占卜，有人呢就死口唔認，白羊人通常都係後者，你信自己多過信人，何況係見不到的神！所以除非你有好急切的事情要解決，否則睇相對你來說，都係貪玩多過咩！
第九位：金牛座
一分耕耘、一分收穫是你的座右銘，所以人家話擺隻金虎在北方會發達，你只會笑一笑，然後心裏面諗：「咁易我就唔使做啦！」，你份人太過實除，所以談起睇相，你一定會反話：八卦！
第十位：獅子座
成日都會聽到獅子人話睇相、占卜，但如果咁大家就以為你係同道中人，咁就真係一個好大好大的誤會！你份人只係當求神問卜係多一個話題傾，要你真係信，除非你呢排運滯得好厲害，否則你都係覺得自己能創造命運！勁！
第十一位：雙子座
多玩多變的雙子人，呢頭卜完可能下一個鐘頭已經唔記得，又或轉頭已經唔係咁諗，所以睇相可謂浪費金錢，對占卜呢回事，甚至有點不屑！不過話時話，又唔難保你下一秒突然又好信，因為你份人，出名夠晒矛盾！
第十二位：人馬座
樂天的天馬人，要你睇相揀直覺得似睇醫生──「遲早都會好，做咩要使錢咁破費喎！」，不過，就如其他嗜好一樣，如果你愛上占卜呢回事，你一定會成為當中的狂熱份子，極度極端，又極熱愛生命！
