[星座命理] 男女失衡之2

白羊女

未拍得成拖仲追緊你男友之前，佢會好甘願做一個第３者守候響佢身邊，但係一旦你男友接受佢，佢就唔會肯同你分享一個男朋友，會諗埋ｄ屎橋整散你同你男友，亦唔介意畀你知道佢的存在，有佢出現你都要做好分手的心理準備！


金牛女

長情女！如果你同你男友的關係係唔好，佢會唔介意成為你男朋友的後備，但係一旦知道你唔想分手又或者你男友想享齊人之福呢，佢就會第一時間自動失蹤，仲會避開埋你男朋友！


雙子女

雙子女較為神經質，而且好難掌握佢下一步會點行，響呢個時候只有以不變應萬變，積極Ｄ兼對你男友好Ｄ，等你男友比較一下你兩個，再等你男友頂唔順隻雙子女！不過要最麻煩係佢又唔介意偷偷摸摸喎！


巨蟹女

做第3者唔多係巨蟹女的作風︳一旦做到第3者就證明佢真係好鍾意你男友，好在一拖得耐佢就會選擇離開！巨蟹女響男人心目中係比較女性化，遇著呢個對手真係有Ｄ難攪，事關一比之下你點都係比佢差Ｄ，響呢個時候唯有對佢出手扮可憐，佢可能會同情你而自動棄權。


獅子女

如果真係咁不幸畀獅子女睇中你男友，除了等你男友飛佢之外都好難諗到計仔，事關獅子女完全唔會按章出牌，而且佢會為保住面子而出盡法子同你爭！響呢個時候就要睇排位，如果你男友將你睇得重要d，佢就會為保面子而自動退出！


處女女

好難會肯做第3者，但係一肯的話就好麻煩，事關畀佢計過度過點會咁易放棄你男友呀！而且佢出晒名多情，呢段孽緣唔係話斷就斷，響呢個時候最緊要以靜制動，對你男友好Ｄ，你知啦其實處女座唔係易頂！


天秤女

鍾意得你男友佢就唔係咁理到底自己係唔係第３者，就算你男友一路拖住唔分手佢都唔會迫佢，只會一路睇下你男友想點，事關佢都唔係咁攪得清楚自己想點，一拖可能拖幾年，畀定心理準備佢會同男友藕斷絲連！


天蠍女

基本上天蠍女出晒名專一及對愛情不擇手段，佢一係就唔要，一睇中你男友佢點都會爭到底，而且冇勝算的事佢係唔會做，如果已經去到第3者的位置而唔係追求者，睇怕你都係打定輸數唔好同佢硬碰硬啦！


人馬女

基本上佢知道有你的存在佢就唔會考慮同你發展落去，但係咪開心住，人馬女好鬼自私，佢唔要都未必益街坊，所以響佢未搵到第二個之前佢都會死纏住你男友，起碼睇戲有人陪，而且仲會用埋Ｄ奇奇怪怪的方法，你同你男友都未必招架得住！


山羊女

佢會一方面表現得好唔介意做第３者，另一方面又會猛落重藥加速你男友決定揀邊一個！對付山羊女就要睇你男友條件有幾好，如果超好，咁你就預有排攪兼勝數低；但如果係一般貨色，你就可以放心山羊女唔多鍾意為少少利益糾纏，好快佢就會算數！


水瓶女

水瓶女其實幾明白事理，只要你平心靜氣同佢傾，而佢又睇你順眼，佢自自然然就會離開你男友，甚至同你做到朋友添！不過你就要預就算佢會一直留響你男友身邊做朋友！


雙魚女

出晒名任勞任怨，講到做第３者佢就最稱職，千祈咪以為佢傻，其實佢不知幾精，心裡面已經盤算晒跟住點做，佢唔一定諗住坐正，但係就一定響你男友身上拎，千祈咪同佢硬碰，雖然話佢多情幸好佢同時都幾濫情，最好都係等你男友自動放棄佢或者佢自動放棄你男友！