[笑話] 無耐性都比人讚...

無耐性都比人讚...


   
一位係東鐵做既舊同學話我知既，
佢話有個十九歲既女同事剛入職，
冇工作經驗，亦冇乜做人處世經驗，
唔多識應付d人客，但為人好率直天真。

一日，有個阿嬸走黎問個女仔
「東鐵」月票同「馬鐵」月票有乜分別，
點解「東鐵」月票貴咁多。

女仔就答，「東鐵」月票可以係
「東鐵」同「馬鐵」既任何一個站上落車。
而「馬鐵」月票就一定要係
「馬鐵」上車+「東鐵」落車，
或「東鐵」上車+「馬鐵」落車；
唔可以係「馬鐵」上車+「馬鐵」落車，
或「東鐵」上車+「東鐵」落車。

阿嬸聽完完全唔明，連我都覺得真係幾複雜。

個女仔開始冇耐性，就同個阿嬸講：

「『馬鐵』月票即係一定要食「叉雞飯」，
一係叉燒併雞，一係雞併叉燒；
『東鐵』月票就點併都得！
叉雞又得，淨叉燒又得，淨雞又得，明冇？」

呢件事好多東鐵馬鐵同事都知，
唔係個後生女四圍同人講，
而係個阿嬸竟然寫左封信去表揚佢，
讚佢夠醒目！