有咩星座(女)會鍾意有婦之夫？
本文來自：☆夜玥論壇ק★http://ds-hk.net★ 轉帖請註明出處！ 發貼者：
鼠尾草 您是第1251個瀏覽者
白羊女
白羊女一鍾意親人就乜都睇唔到，佢話之理你係俄羅斯總統定荷里活巨星，總之鍾意就會主動出擊，話之你有冇老婆仔女！再加上佢本身都有舖同人爭的癮，仲要係要爭贏果隻，雖然係唔多好，但係一旦鍾意，佢真係唔會理咁多前因後果！
金牛女
雖然金牛女個非常咁痴情的星座，但係要佢破壞人家的家庭佢驚報應又唔願，不過冇話佢唔等你喎！只要個男人肯同個老婆講清楚，甚至乎單係話會講清楚，金牛女都會再畀機會個男人再畀時間佢去攪清楚，屬於半高危的份子！
雙子女
雙子女鍾意的對象好多花款，「人夫」都可能係其中一個選擇對象，尤其係一d拍拖拍得悶悶地，想貪新鮮貪過癮的雙子女更加大機會擺明想試下，不過講到底佢又好怕煩，而且試過冇晒鮮感之後佢就未必會堅持到落去，佢都唔係專登破壞人家庭幸福！
巨蟹女
遇到d條件好的男人，無論對方有冇老婆巨蟹女都會情不自禁鍾意，不過呢d又麻煩又要冒險的戀愛關係巨蟹女又唔咁受得，如果對方表明話唔會離婚，佢就會自保地唔畀呢段關係發展，但係如果對方答應會同老婆分開，佢就會畀個試用期大家睇下！
獅子女
響呢d時刻獅子女接唔接受就要睇下個男人的態度，關鍵又唔係離唔離婚喎！而係睇下個男人將佢同老婆點擺，只要個男人將獅子女的位置放得比老婆高，樣樣都鍾意同人爭的獅子女就可以讓忍到對方有老婆，否則呢位高貴的女皇睬你都傻！
處女女
處女女其實係唔介意做第3者，不過做第3者還第3者，講到搶人老公佢又唔多願意，其一係覺得麻煩，其二係佢有d相信報應，所以只要知道呢個人有老婆佢就已經死晒火，除非係對方追佢時已經同定個老婆攪離婚就唔同遘法，否則都唔多會！
天秤女
雖然天秤女道德觀念有返咁上下，知道人家有老婆佢就唔會咁易鍾意對方，不過萬一唔知點解鍾意得佢又唔會再考慮對方會點處理，一拖就會拖好耐，仲會默默等個男人自己決定點處理，當然期間或多或少佢都會響出面識下其他男仔！
天蠍女
天蠍女出晒名為愛情不擇手段，佢對於人家有冇老婆唔係太在意，總之就係講感覺，佢會麻木盲晒咁瘋狂鍾意一個人，再加上佢自信心爆晒棚，佢覺得就算有老婆佢都爭得贏，衰d講天蠍女唔係咁好，講得好聽d係佢好忠於自己對戀愛的睇法！
人馬女
呢位道德家就梗係唔會鍾意有婦之夫啦！講就係咁講，不過佢又鍾意攪下人喎！仲要係講話唔係鍾意不過照樣約人行街睇戲食飯兼拖手喎！佢唔係有心破壞人家庭，不過或多或少又抵抗唔到呢種好似玩遊戲咁刺激的戀愛關係…
山羊女
基本上山羊女係好怕麻煩，佢連一d有女朋友的男仔都唔多想諗，更何況係有老婆添？所以山羊女捲入呢d3角戀的機會較細，之但係如果個男人條件真係超正，而且對佢仲好有幫助的話又另當別論，到時佢會不擇手段同人家個老婆拗手瓜，仲要不勝無歸！
水瓶女
水瓶女好古怪，原則上佢唔會接受對象有老婆，但係如果響唔知情的情況下已經鍾意上先發覺的話，佢會傾向默默等候對方離婚，一等可能好多年，之但係可能突然有一日又會唔再理對方，係個好難捉摸佢下一步會點做的星座！
雙魚女
呢位糊塗王好易鍾意一個人，就算明知對方有老婆佢個腦點叫自己唔好痴埋去，但係一旦個男人向佢獻殷勤呢條魚仔又情不自禁鍾意人，雖然佢會成日叫個男人同老婆離婚，不過只要個男人企硬再加上呃呃下，佢一日識唔到個新的都會斷斷續續一齊！
