[星座命理] 男女失衡之3

白羊男

白羊男絕對係獵人，佢未到派對前已經諗定一大堆作戰計劃，佢出現的原因都係想識返個女仔，仲會非常咁主動出擊添！佢請你飲酒？梗係有企圖啦仲駛問，不過呢，佢又唔鍾意費唇舌同時間，你表明冇興趣佢就會知難而退！


金牛男

佢會點做就要睇情況，如果佢冇另一半，而你又唔覺意同佢有身體接觸，咁就弊傢伙，佢的把握力會較低，好容易出事；至於其他呢，基本上響佢唔鍾意主動出擊同埋道德觀念較重的影響下呢，佢都唔係發生一夜情同亂來果種人！


雙子男

雙子男的好奇同貪玩只限於響1級同2級，1級係佢會成場飛撩女仔，2級係好熱衷咁同埋班麻甩仔聚埋講鹹濕(口野)，不過一講到話要去到3級18歲以上限定活動呢，就唔係真係咁合佢口味啦！所以就算畀人主動挑逗佢未必有興趣！


巨蟹男

對於巨蟹男來講一夜情就梗係唔好啦！危險嘛！又唔知對方係咩人、又唔知佢有冇暗病、最擔心係之後有手尾，不過佢又唔抗拒三夜情或者四夜情喎！即係巨蟹男去到派對佢一樣會物色獵物，不過佢屬於放長線吊大魚，要先了解下先！


獅子男

可能你唔信，其實呢位擺出一副風流倜儻的浪子一d都唔鍾意一夜情，最多響成班豬朋面前唔衰得，佢會扮晒獵豔，扮晒風流，不過講到來真呢，佢本身不屑呢種玩意；另外如果撞著你勁主動，佢會無奈表示紳士風度迎合你！


處女男

如果以為一向出名有潔癖的處女男唔會發生一夜情就太天真啦！處女男係會擺出副臭脾樣，令人覺得佢冇興趣，不過！佢一係就索性連個派對都唔去，佢一去親呢，就一定有企圖，佢會好不經意咁主動出擊殺你一個措手不及！


天秤男

天秤男並唔抗拒一夜情，不過佢發生的一夜情呢，估「情」就真係要包埋有戀愛的感覺，天秤男好難投入剩係得「慾」的交流，不過一旦響派對上面撞到個令佢有觸電感覺的對象時，佢又嚮往同對方可以有更進一的發展喎！


天蠍男

呢個多情種子對於一夜情直頭情難自禁！佢一向支持為愛而性，同時亦都支持為性而性，對於佢來講，各種情況的「性」都係非常之吸引，所以去到呢d派對，同白羊男、處女男一樣，都係包住同一信念而來，各位少女小心d啦！


人馬男

同處女男一樣，咪以為呢個道德王同一夜情扯唔上關係，大家提起一夜情佢絕對會耍手擰頭，一臉鄙視猛數有咩唔好，但係~飲大兩杯之後，佢的理智就敵唔過佢的行為，最攪笑係佢酒醒之後又同你講返道德觀，一直循環落去！


山羊男

山羊男發生一夜情的指數係最低，山羊座一向出名忍耐力強，就算情緒有幾高漲，佢都會反覆考慮清楚，一夜情呢d咁高危的活動佢梗係會臨危勒馬啦！不過又唔係話佢唔會咁做，佢會視一夜情為達到目的的手段，有著數就有機會！


水瓶男

出奇地呢位外星生物水瓶男竟然屬於一夜情高危星座！佢對一夜情完全冇乜立場，冇反感又冇特別鍾意，應該咁講，佢唔會主動去攪一夜情，不過對於對方主動邀請呢，佢又絕對唔會抗拒喎！所以響呢d日子入面佢往往會成為黑馬！


雙魚男

呢位男士響一夜情的立場有d糊塗！佢好容易受到當時的氣氛影響而發生一夜情，仲要真係諗住一晚咁多，但係事後往往會因為動真情又或者畀對方咬住唔放而真係變成情侶，所以如果你想搵一夜情，就要避免同佢，相反亦都係！