點解減極都咁肥？！呢句係神婆寶寶呢排成日都講ｏ既一句話，亦都係聽到好多朋友講ｏ既一句話，無計，夏天將至，人人都要瘦，邊個星座最易肥，邊個唔該忍忍口，一睇就知！
吸空氣都會肥指數：
第一位：巨蟹座95%
最喜歡留ｏ係屋企ｏ既巨蟹人，最鍾意做就係一手拿住包「口立濕」，一手ｏ係到睇世界盃，唉！加上唔鍾意浪費ｏ既性格，通常見到檯面有ｏ野食剩，佢就會忍唔住話不如打包啦！打包番屋企再食過，你話唔肥，就真係有鬼喇！
第二位：雙魚座85%
本身形態已經比較肥ｏ既雙魚人，一生出ｏ黎就要面對「肥」呢個大問題，真係令人感慨！再加上你ｏ既自制能力低，通常都會話食一條薯條，唔覺ｏ既，又幾唔覺，得你自己話唔覺咯！God bless you喇！
第三位：天秤座70%
出名懶又怕辛苦ｏ既天秤人，細細個未知死，一到中年必定發福，梗係啦，食ｏ野唔知飽，除非你份工要見人，除非你本身好靚仔／女，否則通常都會因壓力大而搞到暴飲暴食，不過有時你都會發癲，走去試下ｏ的新減肥方法，希望幫到你啦！
第四位：獅子座75%
太多朋友所以累事，太多飯局更加累事，所以如果你想減肥，唔好諗，一定要同成班人一齊減，否則孤軍作戰，最後你都係放棄然後同ｏ的fan一齊食ｏ左先算！再加上你又幾鍾意飲番兩杯，你話咁係咪好危險？
乞人憎話咁快就瘦指數：
第一位：白羊座 92%
無窮ｏ既鬥志好多時都係減肥ｏ既必需品，白羊人唔衰得ｏ既性格，要佢減佢一定減到！而最有效令佢減磅ｏ既方法，竟然係口號，即係「我要減肥！」，「我要萬人迷！」將呢ｏ的口號貼ｏ係牆，肯定有用！
第二位：人馬座85%
人馬座坐唔定ｏ既性格，令佢食幾多好多時都可以消耗ｏ左出ｏ黎，所以好多時雖然你見到人馬人不停食，又唔戒口，但係身型都無咩影響，要講ｏ既就係個PATPAT比較大，所以呢家ｏ野要小心呀！
第三位：金牛座70%
金牛座出名鍾意食，你ｏ地一定以為佢最易肥！佢係就係鍾意食，但食得ｏ黎都好有節制，再加上佢ｏ地有個本事話唔食就唔食，只要佢立定目標，加上鍾意靚ｏ既性格，佢點都唔會俾自己去得太過份ｏ既！
第四位：天蠍座65%
天蠍人其實係一個好「勁」ｏ既星座，咩都係走極端，一唔係就唔做，一做就要做得最好！所以當佢覺得自己已經到ｏ左極限肥ｏ既時候，佢真係夠膽死唔食，係一ｏ的都唔食，直至瘦番為止，你話呢種人，有得幾肥喎！
食極唔肥唔係人指數：
第一位：處女座98%
「壓力對一個人有時都有正面ｏ既作用」呢句說話，對處女人ｏ黎講，真係最貼題，佢ｏ地太大壓力，成日左思右想，所以食極都唔吸收，睇住ｏ的處女朋友食極都咁瘦，真係有ｏ的想殺死佢！
第二位：雙子座90%
呢ｏ的又係唔恨得咁多，雙子人一出世就好瘦，除非佢ｏ既其中一個嗜好係食ｏ野，否則佢ｏ地都係油浸都唔肥ｏ既，加上佢ｏ地又好鍾意運動，好多時多餘ｏ既卡路里都俾佢ｏ地走下行下咁就走晒咯！
第三位：山羊座85%
出名做事有計畫ｏ既山羊人，只要佢定下目標，佢一定會做到！鬼咩，佢ｏ既持久力同耐力係眾星之冠，不過通常你又會覺得佢ｏ地好似好大隻，係呀！係大隻ｏ架，因為佢ｏ地骨架大嘛，所以點瘦都好唔係好覺咁咯！
第四位：水瓶座70%
有ｏ的星座一出世就唔使點減，水瓶人就係其中一種，雖然係咁，但你仍然會聽到好多水瓶人成日都話要減肥，仲要係愈刁鑽ｏ既方法佢就愈想試，最怕就係自己個血液循環系統唔係咁好，好易減出禍ｏ架！
