☆夜玥論壇×§ - Powered by Discuz! Board

標題: [原創] (潮文) 月入8000蚊就想娶我個女?? [打印本頁]

作者: 樹熊佬佬 時間: 2010-4-17 17:42 標題: (潮文) 月入8000蚊就想娶我個女??

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

作者: repay 時間: 2010-4-18 18:34

佢地環境好冇嫁?

作者: 樹熊佬佬 時間: 2010-4-18 21:13

佢地都算幾好環境架

作者: repay 時間: 2010-4-19 00:05

咁個女仔做野叻唔叻呀?

作者: Nick_wing 時間: 2010-4-19 21:43

我覺得就算個女仔環境好,做野叻,佢父母都5應該錦lo!!
算la ! 5好嬲!!個女仔既父母咁冇家教,成家都5方好得去邊la !!!
好想串佢地(個女仔D屋企人)話:
我淨係冧你個女咋,咁多野講,你估我冧你牙,死老野,屙尿照下自己様la !!

作者: repay 時間: 2010-4-20 10:39

佢阿媽係唔岩,但係畢竟係長輩,應該尊重
非常唔應該晒粗口鬧人地父母,反觀你,你都幾唔成熟
你話人狗眼看人低,但你自己又唔反省
你有冇諗過.我宜係唔得,但係我會努力,俾幸福你個女同照顧你地
俾人鬧完淨係識怪人
如果你抱住咁既心態唔成長,唔好話宜個女仔既父母睇唔起你
下一個女仔既父母,下下個女仔既父母都可能睇唔起你

可能講得唔岩聽,唔好嬲.我唔想講D說話附和你,然後你又:咪係咪係,之後咩都得唔到
希望你要識得尊重女仔既父母,縱使對方有幾唔岩

[ 本帖最後由 repay 於 2010-4-20 10:41 編輯 ]

作者: 樹熊佬佬 時間: 2010-4-21 10:59 標題: 回應 repay 第 6 篇文章

咁而家係佢地唔尊重我喎,唔通我仲要好聲好氣呀??

作者: 饅頭仔 時間: 2010-4-21 12:43 標題: 回應 repay 第 6 篇文章

完全認同...
完全是我想說的話了
要不要交個朋友

他們不尊重你, 你就要不尊重你自己的嗎?
講粗口, 發脾4, 只會令人更加不尊重你
而且, 你會這樣說, 就是你根本不愛那女生
他們女兒唔係好巴閉, 但對他們來說是寶, 如果你喜歡她, 她對你來說也是個寶, 那... 佢仲唔係好巴閉?
而且, 你就不可以當這是考驗嗎

我也非常不認同她媽...
我有個朋友也是跟她男朋友在儲錢結婚, 也是大概八千

作者: repay 時間: 2010-4-23 14:33 標題: 回應樹熊佬佬第 7 篇文章

就係因為你咁諗,我先會話你唔夠成熟
對方一話你,你就沉唔住氣,要鬧返人.
你有冇考慮過對方既身份?講完之後又有咩後果?

佢係你女朋友既父母,唔係你D FD,可以俾你咁鬧,鬧完之後就絕交
你可以覺得鬧完就同宜個女仔分手都冇所謂,但係如果遇到個果係你真係想結婚嫁呢?
人地話你,你就覺得唔受尊重,又鬧返佢,你估人地會同意你地結婚咩?
咁係咪又要分,定係唔理人地父母反對都要結?
結婚唔係兩個人既事,唔通你要個女仔做磨心,又或者連阿爸阿媽都唔認?

可能你覺得我講都太嚴重,但係有D說話講出黎就要承擔佢既後果
咁既後果對你黎講係咪又冇所謂

[ 本帖最後由 repay 於 2010-4-23 14:51 編輯 ]

作者: repay 時間: 2010-4-23 14:58 標題: 回應饅頭仔第 8 篇文章

多謝^^
做朋友緊係好~

TO樹熊佬佬
我絕對冇話個女仔阿媽係岩,我只係反觀講返你都做都唔好既事
其實你一出口,佢阿媽唔係更加覺得自己講D野係岩既,一D都唔後悔咩?

作者: 樹熊佬佬 時間: 2010-4-24 23:32 標題: 回應 repay 第 10 篇文章

點解你會覺得佢媽會更加認為自己果d野係岩呢???

作者: repay 時間: 2010-4-25 15:17 標題: 回應樹熊佬佬第 11 篇文章

會覺得你唔可靠,唔值得係你身上浪費佢個女既時間同青春..

作者: 樹熊佬佬 時間: 2010-4-25 19:16 標題: 回應 repay 第 12 篇文章

吓??唔係卦??點解你會認為我係咁呢??

作者: repay 時間: 2010-4-25 23:45 標題: 回應樹熊佬佬第 13 篇文章

呵呵,因為你冇覺得鬧人地父母唔岩就覺得你個人都唔係好識諗,又太衝動呢~

作者: 、○就﹏ 時間: 2010-4-26 00:02

.. 沒啥評論

要是我的話。早已從第一句問話開始怒吼走人了[ 炸

作者: 饅頭仔 時間: 2010-4-27 14:48

引用:

原帖由 repay 於 2010-4-23 14:58 發表
多謝^^
做朋友緊係好~

TO樹熊佬佬
我絕對冇話個女仔阿媽係岩,我只係反觀講返你都做都唔好既事
其實你一出口,佢阿媽唔係更加覺得自己講D野係岩既,一D都唔後悔咩?

((握手握手))
又一次想法一樣囉~

to 樓主 (對不起, 我可能說得太過, 不接受就算)
她更不會覺得自己錯, 是因為你這樣做就是她心中的下等人(她上等人, 那其他人就是下等人)的模樣
如果不想她這樣想, 如果要證明你不是她所想的不能給她女兒幸福, 就更加不能說你這些話
試想想, 將來你女兒的男朋友對你這個長輩這樣說話, 你會覺得他可靠嗎, 你會願意把女兒交付於他嗎

我媽常跟我說要爭氣要爭氣
你懂不懂什么叫爭氣
就是別人看扁你時, 就要讓他知道我不是你想像的樣子
例如
她看你窮, 覺得你養不起她女兒, 配不起她女兒, 就更加要證明我不止這樣子, 更加要讓她知道錢不是一切, 我是不富有, 但我也能給她幸福
可是你這一出聲, 她不止看到你經濟方面, 連心智性格脾氣都讓人不放心將女兒交給你, 人不成熟先不用說, 連應有的禮貌對人的尊重都沒有

生氣, 發脾氣是人之常情, 但就不會控制嗎, 就不能當是考驗嗎
而且, 她不是別人, 是你女朋友的母親
會見家長, 會送這樣的厚禮, 我知道你蠻重視這關係, 蠻重視女朋友
正因為這樣, 可以為女友想想嗎? 你要她怎面對父母面對你?

粗口本來就是帶有侮辱成份, 侮辱對象之餘亦有損自己人格
被人看低, 難道就要低給人看嗎!! (eg. 被人話冇出息, 唔通就索性唔做野, "我就係冇出息架啦!／我就冇出息畀你睇"咁架咩?)<==純粹打個比方

作者: 樹熊佬佬 時間: 2010-4-27 18:09 標題: 回應饅頭仔第 16 篇文章

我知,但係唔係點啫??唔通我都仲要好似隻鵪鶉咁哪喎??

作者: realheaver 時間: 2010-6-16 22:24 標題: 回應樹熊佬佬第 17 篇文章

始終他們是你女朋友的父母,
他們的最愛也只會是他們的女兒。
是的,他們是曾經貶低你,又說他沒有照顧他們女兒的能力
但反轉來想,
你並未能證明給她父母看你對他們女兒的愛,
我能明白3個月不可能有很好的結婚,怎至同居等等的計劃,
但最少,
[我會盡我能力,令你們女兒幸福;我會全力做好工作,找更多錢,將來也會供養你們]
這一句話,
還沒有表達出來

最後,他們怎樣對你也好,他們也是你的長輩,粗言相對,對自己,對你女朋友也不會好過的。

作者: 夜璃 時間: 2010-6-19 23:16

我唔信佢老豆老母一開頭拍拖有諗過要結婚囉`

作者: hilmt 時間: 2010-6-20 18:15

嘩~
我覺得係佢地無禮貌再先lo
有冇夠錯牙!
八千文一個月又點牙
住屋村有咩吾岩牙!
你可以忍到佢叫你走你都算好啦
比我積克發火
竟然話我父母
有冇搞錯牙!!

甘早諗結婚?
甘都岩ga
佢地應該係比較傳統思想ga家長
不過點都要尊重下你女朋友ga!
但係吾爆都爆左粗- -""
甘你女朋友仲有冇搵你?
如果下次見家長要忍氣吞聲牙
經過上次都知佢地幾野蠻
小心d啦

作者: carlieko 時間: 2010-6-21 12:32

兩方都有錯,
冇得話邊個唔岩!
但我覺得你要做得更好,
做一個成功嘅人,
佢地就會覺得放走左一個人材,
真係不幸!

歡迎光臨 ☆夜玥論壇×§ (http://ds-hk.net/)