標題: [星座命理] 如果巴士鬧人事件發生響各星座身上會點做呢?【已閱至#1】 [打印本頁]

---

作者: ＊牙珊..    時間: 2006-6-3 21:15     標題: 如果巴士鬧人事件發生響各星座身上會點做呢?【已閱至#1】

如果巴士鬧人事件發生響各星座身上會點做呢?

白羊座



　　基本上，白羊座人的反應應該係會同巴士阿叔一模一樣！佢衝動，反應大，永遠係人家唔著佢著晒，但係鬧完之後又會打正旗號同你講道理。





金牛座



　　出名溫文的金牛，畀人話佢一定會反省一下自己有冇錯，所以佢反應通常會係講句對唔住，話晒大庭廣眾喎！除非當日佢心情差到爆！





雙子座



　　如果係雙子座畀人話，佢第一個反應通常係講句對住唔，然後索性唔講電話，但係就響袋度拎部PSP出來玩，發出另一Ｄ噪音再煩過你！





巨蟹座



　　性格較關心人同低調的巨蟹，畀人話完佢一定會細聲晒，不過佢會響調轉臉之後暗暗咀咒你，返到屋企再同阿媽呻。





獅子座



　　你梗係以為以佢咁霸道的性格就梗係會好似阿叔咁媽媽聲，咁你就錯，獅子座雖然係要面，但係又出奇地講道理，仲會講句唔好意思添！





處女座



　　咁多個星座之中，以佢的反應係最難估，嬲就係肯定，不過會唔會發爛渣就真係睇情況，不過無論點佢都一定會四圍同人唱你有幾賤咁！





天秤座



　　天生天秤座就係和平主義者，如果佢真係知自己錯，佢畀你話就梗係會即刻同你道歉兼收線唔再講，而且再會響落車前同你道多一次歉添！





天蠍座



　　天蠍座係一個天生鍾意報仇同要面的星座，你響全巴士人面前話佢，就算佢唔即時教訓你，佢都會馬上暗暗盤算點樣整蠱返你！小心！





人馬座



　　呢位老友反應可能會係最難頂，首先佢會嬲你亂掂佢，唔細返聲不突止仲會專登同電話另一邊的人講話你攪事！仲要畀晒全車人知係你衰咋！　　





山羊座



　　其實如果個細路係有禮貌咁「麻煩」佢靜Ｄ，一般山羊座都係會識做，不過如果唔係咁客氣，山羊係會發脾氣，不過總算會收斂過阿叔。





水瓶座



　　佢最鍾意講道理，就算你態度係點樣，佢都會好有修養咁同你解釋並且希望你會接受佢意見，只不過佢心目中會覺得地球人真係薄淺！





雙魚座



　　咪睇表面咁和善，其實雙魚都會係先發爛渣，跟住睇見勢色唔對，佢會好醒咁一邊鬧一邊離開事發現場！甚至落埋車！

[ 本帖最後由 雨子.oo. 於 2012-9-27 01:41 編輯 ]

---

歡迎光臨 ☆夜玥論壇ק (http://ds-hk.net/)

Powered by Discuz! 6.0.0