心煩(感情問題)，可以的就入黎幫幫我
本文來自：☆夜玥論壇ק★http://ds-hk.net★ 轉帖請註明出處！ 發貼者：
vincy100 您是第2408個瀏覽者
尋日我下午要番學校考ENG Oral(小組討論)
我有個男生朋友("佢")打電話(屋企)比我
問我"佢"考試的時間(每組唔同)
點知"佢"打黎個陣我爹D接電話...
我爹D個時冇問我D咩
但之後係我出左門口之後
"佢"又打電話(屋企)比我
想話比我聽"佢"考小組個時條題目(佢考完了)
又係我爹D接電話...
我爹D同"佢"講話的我出左門口
跟住我爹D打我手機同我講番
又問我好多關於"佢"的事...
我考完小組後
(係街)打番電話比"佢"
叫"佢"以後打我手機no.
唔好打去我屋企
我同"佢"講我爹D好鐘意"生事"
會(自動)想成佢係我男朋友
跟住"佢"問我"你覺得我係你邊個?"
我當場呆左，我唔知點答
就講左句"我唔知"
就收線
其實我同"佢"關系係
班上的人都認為我地係男女朋友(兩年前開始，個陣我F.2)
因為我地好似整日係一齊(我地F.2個陣坐位被安排到一齊)
但我從來冇當一回事
有次放學放書入locker時
佢將雙手搭係我博頭上(佢locker係我的上面)
跟住有個班上的人(男的)同我地倆個講"好恩愛啊~"
"佢"居然答"係咩?好平常"
之後"佢"都好似有意冇意的係班上的人面前(只係我的感覺)
確認我地的關系
我又懶得解釋
依家我心好亂
我唔知亦從來都冇去想過我同"佢"係咩關系
我又唔知要點算
我又唔知點面對"佢"(驚"佢"之後又問我"你覺得我係你邊個")
我更加唔知"佢"對我是點咩的感覺，佢從來都冇講過
我好混亂
大家幫幫我
好嗎?
[ 本帖最後由 vincy100 於 2009-6-13 17:41 編輯 ]
