嚦咕嚦咕恭喜發財！
新年睇賀歲片係好多人�H習慣，唔知你哋睇左Gigi同劉華部「嚦咕」戲未呢？戲中劉華人稱「麻雀大俠」，正宗賭王之王，現實生活中，邊個最有機會成為「麻雀大俠」呢？
第一位：天蠍座
天蠍人直覺強烈，賭運通常都要靠三分運仔，所以牌面天蠍人已經勝利再握，再加上佢哋通常都唔聲唔聲，嬴輸都面不改容，真係做咩牌都唔知。正所謂：「無聲狗，咬死人！」今回你仲唔俾人咬死！
第二位：雙魚座
論脾氣，論直覺（即係第六感），雙魚人都好強，所以嬴面都好高！再加上雙魚人鍾意打牌，而鍾意�H原因唔係因為錢，而係佢覺得「麻雀」呢科好有神秘感，因為佢成日都覺得：「點解我盲中中都可以嬴錢�H？」
第三位：金牛座
對於金牛人嚟講，鍾意賭，無非都係一個「錢」字。金牛人出名好脾氣，有耐性，輸了最多咪再來，又正所謂：「財不入急門」，慢慢來，到最後佢仲驚過你，驚咩？驚你輸唔切呀！
第四位：山羊座
賭可能人人鍾意，但揀人打牌呢，就以山羊人最出名！佢哋賭性都幾高，不過好多情況之下，都可以影響到佢唔落場，例如同咩人打，要打幾大……，但若然一落場，身為其中一份子�H你，真係要小心！
第五位：雙子座
雙子人鍾意打，全因為佢覺得呢個遊戲真係幾好玩，成班人圍埋晒，幾難得呀！有時仲會有錢嬴，都唔知幾化算，不過事先聲明，要打打四圈就好，打得多，我驚佢無心機，變成三缺一，到時真係嘆奈何！
第六位：天秤座
唔好以為天秤人落場就等於佢好鍾意玩，其實佢都係唔好意思推，費事你話佢唔俾面，咁就真係寃枉喇！不過天秤人好有原則，開始輸咩，佢就會靜靜雞起身，然後會在場同咁多人講句：「嬴多啲喇！」，幾鬼有禮貌呀！
第七位：巨蟹座
巨蟹人直覺都不弱，不過輸在衰心軟，嬴人又驚唔好意思，見到人輸晒佢又覺得好似欠人哋咁，你話點嬴大錢呀！所以都係留番煎年糕、蘿蔔榚呢啲咁有細藝�H家務俾佢做，會更加有益同有建設性。
第八位：處女座
處女人其實唔係咁鍾意賭，再加上衰「唔衰得」！出名孤寒�H處女人，要佢哋將辛苦賺番嚟�H利是錢輸俾你，佢寧可切佢忽肉出嚟。再加上打牌�H地方一定要有番咁上下似樣，如果唔係佢情願揀同電腦打！
第九位：人馬座
講真，人馬座真係唔係好鍾意打牌呢啲咁困身�H遊戲！睇過呢個專欄�H人都知道，人馬人最緊要係愛自由，你要佢對住三個人一張檯幾個鐘頭，佢真係有啲生不如死�H感覺！你叫佢係打真雀仔，可能仲有啲意思喎！
第十位：水瓶座
佢哋太有理性喇！會將麻雀呢個遊戲嬴�H比率由頭計一次，然之後佢會發現嬴面唔算大，於是佢就會覺得做咩要浪費呢啲時間喺啲咁無聊�H活動上面呢！有時間，佢會揀行黃金商場，或者上多兩個鐘頭網好過！
第十一位：白羊座
白羊人出名愛冒險，無理由今次麻雀大俠無佢份？！無錯，白羊人係鍾意賭，但係衰在輸性急，有唔夠深度，愛邊隻牌，想掉邊隻牌，咩都寫晒上塊面度，你話點做麻雀之王，要做講先練好自己啲脾氣先！
第十二位：獅子座
講臭脾氣，一定係獅子人，所以佢雖然鍾意玩，夠膽打，但係就唔多人鍾意同佢打！鬼咩！一輸就鍾意賴地硬，有時仲鍾意賴朋友，賴副牌，成個戲中�H梁詠琪咁，咁無牌品，麻雀大俠一定唔輪到你！
