善有善報，福有悠歸，聽落好似好悶，但學芳芳姐話齋，做得善事多，訓覺都訓得安樂些！又好似黎生話齋，捐十蚊，你已經幫到好多人！咁咩人最有善心？咩人又冷血無情，一睇就知！
最有愛心慈善之王：
第一位：雙魚座99%
睇到電視新聞播緊的戰火片段都會喊的雙魚人，就知道他們的愛心同同情心有幾爆棚！只要有人叫到，佢一定會有錢出錢，有力出力。加上他們夠長氣，所以就算你初到唔捐，都會俾他們講到唔好意思唔捐的！
第二位：獅子座85%
獅子人最鬼鍾意就係細路哥，所以如果你要佢捐俾些關於細路哥的機構，他們一定好樂意幫手，加上他們人面廣，又係一流的社圈人物，所以要佢搞義工團，亦都唔會難到佢，這種人千祈唔好俾佢走甩！
第三位：巨蟹座75%
出名有同情心的巨蟹人，真係會連屋企有甚麼不要，每個月有甚麼捐款計畫，又或者領養細路哥，總之有甚麼可以幫到人的，他們都好樂意出一分力，直至自己無晒錢為止，所以要搵人捐錢，記得預埋佢！
第四位：天秤座70%
愛做善事唔係因為佢真係好愛做善事，而係佢擔心當有一日自己需要人幫的時候，佢可以好理直氣壯咁同人講：「我以前做過好多善事的，依家我用番，係咪唔得先？公平一向都係他的強項，做善事呢份心情仍舊無變！
度過計過之選：
第一位：水瓶座 90%
自私一向都是你的強項，他人死人塌樓，你會問句：「關我鬼事！」，所以問你捐錢，你會夠膽死問番人轉頭：「我都無，不如你捐俾我啦！」唔信，不妨試試，萬試萬靈！
第二位：人馬座80%
唔係話你唔捐，只不過就真係要睇你當時心情如何？心情好的時候，慈善機構有運行喇！但呢些機會十次至少都會仲一次，就睇下大家好唔好彩喇！再唔係可能係群眾壓力，你見大家捐，唔好意思，咁咪整兩蚊贈贈佢咯！
第三位：白羊座60%
白羊人好少捐錢，因為佢覺得一個人有氣有力，做咩要人幫，自己搵幾多就食幾多，其他人都應該係咁諗，所以你要佢自願捐錢，佢會覺得有無搞錯呀！不過你擺到個箱在他前面，他又唔會令你失望，所以，想他捐錢，你知點做啦！
第四位：金牛座55%
如果做了善事會令佢覺得真係幫到人，金牛人一定會捐，但你一定要俾佢知道佢係幫了些甚麼，同會做甚麼，佢會問得好清楚的，當佢一發現有可疑，就會即時唔再募捐，現實？你不如話佢實事求事咁較為公平！
沽名釣譽實係你：
第一位：天蠍座88%
錢同權力對你來講都好重要，而慈善呢個方向，最適合你呢一舉兩得，同時擁有呢兩樣東西，你好識行用呢兩方面來鞏固自己的勢力，你好可能係ｘｘ會的阿頭，又或者甚麼慈善團體的高層，但講到尾，你無非都係想多些人識你！
第二位：處女座87%
如果要你呢個孤寒精無啦啦賣枝旗，一唔係可能係因為個女仔夠靚，二來可能係因為你有個追緊又未到手的甜心在身邊，否則你一定唔會咁順攤走去做善事！慈善對你來講，最緊要係威同代表一個社會地位，咁計算，唔係你，仲有邊個？
第三位：山羊座75%
山羊人出名攻心計，你做的每一件事，都會俾你計算過，覺得有價值先會做，你又成日覺得自己係屬於社會的，所以一定要做些事出來，證明俾人睇你有幾愛呢個社群，慈善當然係你最好的殺手「金間」啦！
第四位：雙子座60%
出名鍾意玩的雙子人，對於慈善呢回事，真係當係玩咁樣，籌得多錢有獎羅，又會有人讚，咁咪做咯，每次做善事佢一定要俾人知，咁佢先會做，你要佢在無人知的情況底下做善事，我諗都幾難喇！
